سریگفوارہ میں گیس ایجنسی سیل

author img

By

Published : Sep 24, 2021, 9:46 PM IST

فوٹو

جنوبی کشمیر کے ضلع اننت ناگ کے سریگفوارہ میں حکام نے کم وزن والے گیس سلینڈر فروخت کرنے والی گیس ایجنسی کو سیل کر دیا ہے۔

جنوبی ضلع اننت ناگ کے سری گفوارہ میں گلشن گیس ایجنسی کی جانب سے کم وزن والے گیس سلینڈروں کی مبینہ فروخت پر میڈیا رپورٹس کا فوری طور پر نوٹس لیتے ہوئے ڈپٹی کمشنر اننت ناگ ڈاکٹر پیوش سنگلا نے ایس ڈی ایم پہلگام کے ہمراہ اے ڈی فوڈ، اور اے سی لیگل میٹرولوجی کے ممبران کی سربراہی میں ایک ٹیم تشکیل دی۔ جس کے بعد انہوں نے اس غیر قانونی کام میں ملوث ایجنسی کی آن سپاٹ تحقیقات کی۔

ٹیم نے معاملے کی مکمل انکوائری کی اور دیکھا کہ گیس سلینڈر صارفین کو کم وزن میں فروخت کیے جا رہے ہیں،جو قانونی معیار کے مطابق نہیں ہیں۔

اس کے علاوہ ایجنسی کے گیس سلینڈروں کا وزن مختلف مقامات پر کیا گیا تھا اور ان کا وزن بھی طے شدہ معیار کے مطابق نہیں تھا۔

مزید پڑھیں:سرکاری دفاترسے بجلی کا بل وصول کرنے کا چیلنج: جے کے پی ایم


ٹیم نے ایجنسی کے آؤٹ لیٹ کو سیل کر دیا اور غیر معیاری گیس سلنڈر کی فروخت کرنے پر روک لگا دی، جبکہ ایجنسی کے مالک کے خلاف ایف آئی آر بھی درج کیا گیا ہے۔

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.