جموں سرینگر قومی شاہراہ Jammu–Srinagar National Highway پر کل رات سے ہی شدید برفباری اور بارشوں Heavy Rain and Snow Falling کے باعث کئی مقامات پر پتھر اور مٹی کے تودے گرنے سے شاہراہ کو گاڑیوں کی آمد و رفت کے لیے بند کیا گیا ہے۔
شاہراہ پر گزشتہ رات شدید برفباری اور بارشوں سے متعدد مقامات پر پتھر اور مٹی کے تودے گر آئے ہیں، جن کو ہٹانے کے لئے کام جاری ہے۔
وہیں درماندہ مسافروں نے ای ٹی وی بھارت سے کہا کہ شاہراہ کو جلد از جلد قابل آمد رفت کے لائق بنایا جائے۔ ایک ٹول ملازم نے بتایا کہ قومی شاہراہ پر کئی مقامات پر مٹی کے تودے اور چٹانیں کھسک آنے کی وجہ سے اتوار کے روز بھی ٹریفک کی نقل و حمل بند کر دی گئی۔ انہوں نے کہا کہ نیشنل ہائی وے اتھارٹی آف انڈیا اور بارڈر روڈس آرگنائزیشن نے مشینوں اور افرادی قوت کو کام پر لگا دیا ہے اور وہ ملبے کو صاف کرنے میں مصروف ہیں۔
- مزید پڑھیں: Snowfall Begins In Jawahar Tunnel: جواہر ٹنل کے قریب تازہ برف باری کا سلسلہ شروع
انہوں نے مزید کہا کہ 'قومی شاہراہ 44 پر فور لیننگ کے کام کو جلد از جلد مکمل کرایا جائے۔ تاکہ بارش یا برف کے اوقات میں قومی شاہراہ کو ٹریفک کی آمد ورفت کے لیے بند نہ کرنا پڑے۔
