ڈوڈہ: جموں و کشمیر کے ضلع ڈوڈہ کے اسپورٹس اسٹیڈیم میں آج دو روزہ بیداری پروگرام کے دوسرے دن 13ویں بی این این ڈی آر ایف نے ڈسٹرکٹ ڈیزاسٹر مینجمنٹ اتھارٹی ڈی ڈی ایم اے ڈوڈہ ویش پال مہاجن کی نگرانی میں زلزلوں، لینڈ سلائیڈنگ اور آتشزدگی کے واقعات پر موک ڈرل کا انعقاد کیا۔ زلزلہ، لینڈ سلائیڈنگ اور آتشزدگی کے واقعات پر موک ڈرل میں ین این ڈی آر ایف، پولیس کے افسران، سول انتظامیہ، طلباء، میڈیا کے افراد اور مختلف این جی اوز کے اراکین نے شرکت کی۔ این ڈی آر ایف ٹیم کے ذریعہ اسپورٹس اسٹیڈیم ڈوڈہ میں موک ڈرل کا مقصد اسٹیک ہولڈرز کو زلزلے، لینڈ سلائیڈنگ اور آگ لگنے کے واقعات کے وقت بچاؤ کی تیاریوں کے بارے میں آگاہ کرایا گیا۔ این ڈی آر ایف اور ایس ڈی آر ایف کے ماہرین نے بچاؤ آپریشن اور احتیاطی تدابیر کے بارے میں بتایا۔ ریسکیو آپریشن کے دوران استعمال ہونے والے آلات کو بھی تعینات کیا گیا اور اس کا مظاہرہ بھی کیا گیا۔Mock drill conducted to prevent natural calamities in Doda
مزید پڑھیں:۔ Amarnath Yatra 2022: پہلگام کے نن ون یاترا بیس کیمپ میں ماک ڈرل کا اہتمام
اس موقع اسسٹنٹ کمانڈنٹ این ڈی آر ایف جاوید اقبال نے کسی آفت کے دوران اسٹیک ہولڈرز کے درمیان تال میل کو برقرار رکھنے کی ضرورت پر زور دیا تاکہ بچاؤ کے اقدامات کے لیے رسپانس ٹائم کو کم کیا جا سکے کیونکہ ضلع ڈوڈہ زلزلہ زدہ زون میں آتا ہے۔ چیئرمین ڈی ڈی ایم اے (ڈی سی) ڈوڈہ نے حکام پر زور دیا کہ وہ ریئل ٹائم کمیونیکیشن، ڈیزاسٹر اسیسمنٹ، ڈیزاسٹر ریسپانس اور ریسکیو آپریشن کے لیے جدید ترین ٹیکنالوجی کو متعارف کرائیں۔ انہوں نے متعلقہ افراد سےؤ کہا کہ وہ تشخیص کے لیے ہائی ٹیک ڈرون کا استعمال کریں اور کسی قدرتی یا انسانی آفت کی صورت میں طبی اور دیگر امداد چھوڑ دیں۔ انہوں نے ضلع میں شاندار اور معلوماتی موک ڈرل کے انعقاد کے لیے 13ویں بی این این ڈی آر ایف کی ٹیم کی تعریف کی۔
