امرتسر: پنجاب میں بین الاقوامی سرحد عبور کرکے پاکستان سے بھارت میں داخل ہونے والے ایک ڈرون کو بارڈر سیکیورٹی فورس (بی ایس ایف) نے کل رات مار گرایا۔ بی ایس ایف کے ترجمان نے ٹویٹ کرے اس کی اطلاع دی۔ سرحدی باڑ اور زیرو لائن کے درمیان سے ڈرون برآمد ہوا ہے۔ ڈرون سے ممنوعہ اشیاء کا پیکٹ برآمد ہوا ہے۔ علاقے میں تلاشی جاری ہے۔

واضح رہے کہ گزشتہ 23 دسمبر بروز جمعہ کو پنجاب میں بین الاقوامی سرحد عبور کرکے پاکستان سے بھارت میں داخل ہونے والے ایک ڈرون کو بارڈر سیکیورٹی فورس (بی ایس ایف) نے مار گرایا۔ بی ایس ایف کے ترجمان نے یہ اطلاع دی۔ انہوں نے بتایا کہ صبح پونے آٹھ بجے کے قریب امرتسر سیکٹر میں پلمورن سرحدی چوکی کے قریب اس ڈرون کا پتہ چلا۔ ترجمان نے کہا کہ بی ایس ایف کے اہلکاروں نے ڈرون پر گولہ باری اور اسے نیچے گرا دیا اور ڈرون کو قبضے میں لے لیا۔ علاقے میں تلاشی مہم جاری کی تاکہ یہ معلوم کیا جا سکے کہ اس نے کہیں بھی کوئی کھیپ تو نہیں گرائی ہے۔ یہ مسلسل تیسرا دن ہے جب بارڈر سیکیورٹی فورس نے پنجاب میں ڈرون کو مار گرایا ہے۔

مزید پڑھیں:۔ Pakistani Drone Spotted Near The Adia Post پاکستانی ڈرون کی دراندازی ناکام

بتادیں کہ گزشتہ دنوں پنجاب کے امرتسر ضلع میں پاکستان کی طرف سے داخل ہونے والے ایک ڈرون کو بارڈر سیکورٹی فورس (بی ایس ایف) نے مار گرایا تھا۔ بارڈر سیکیورٹی فورس کے اہلکاروں نے پاکستانی سرحد کے قریب پاکستان کی طرف سے ایک ڈرون کو آتے دیکھا۔ جس پر بی ایس ایف اہلکاروں نے گولیاں چلائیں۔ بی ایس ایف کی جانب سے تلاشی مہم شروع کر دی گئی۔ اس سے قبل بھی بی ایس ایف کے خواتین دستے نے پنجاب کے ضلع امرتسر میں 3.1 کلو منشیات لے جانے والے ڈرون کو مار گرایا جو پاکستان سے سرحد میں داخل ہوا تھا، سرحد پار سے منشیات کی اسمگلنگ کی سازش کو ناکام بناتے ہوئے حکام نے بتایا کہ بی ایس ایف کے اہلکاروں نے ڈرون کو چاہ پور کے قریب بھارتی علاقے میں داخل ہوتے دیکھا۔