شاہ رخ خان نے ٹوئیٹ کیا :' گھر واپسی سے اچھا احساس کوئی نہیں ہوتا ہے۔ گھر ہی وہ جگہ ہے جہاں ہمیں پیار ملتا ہے۔ امیدیں جگتی ہیں اور ہم خواب دیکھتے ہیں۔

انہوں نے مزید لکھا کہ 'آپ کی بہادری ہمیں مضبوطی فراہم کرتی ہے۔ گھر واپسی پر آپ کا خیرمقدم ہے۔

ابھینندن کےملک واپسی پر لوگوں میں خوشی کی انتہا نہیں رہی، پورا ملک خوشی کا اظہار کررہا ہے۔ وہیں بالی ووڈ کے دیگر اداکاروں نے بھی ٹوئٹ کرکے ابھینندن کے ملک واپسی پر خوشی کا اظہار کیا ہے۔

ورون دھون نے بھی ٹوئیٹ کرتے ہوئے لکھا کہ سچا ہیرو ملک واپس لوٹ چکا ہےکچھ انسانی کاموں سے امید ملتی ہے کہ ابھی انسانیت زندہ ہے۔

رنویر سنگھ نے اپنے ٹوئیٹ میں لکھا کہ ملک واپس لوٹنے پر ابھینندن کا استقبال ہے آپ کی بہادری سر آنکھوں پر آپ پورے بھارت کے لیے پریرنا ہے۔