پلوامہ: موسمیاتی تبدیلیاں کشمیر کے کسانوں کے لیے نئے چیلنجز کا باعث بن رہی ہیں۔ اس بار موسم بہار معمول سے بیس دن پہلے شروع ہو گیا ہے۔ وادی میں گرمی کی شدت کے سبب بادام کے شگوفے تقریبا تین ہفتے قبل ہی کھلنے لگے ہیں۔ درجہ حرارت میں غیر متوقع اضافے نے کسانوں کی پریشانی بڑھا دی ہے۔  

زرعی ماہرین نے کسانوں کو بروقت اقدامات کی ضرورت پر زور دیا ہے۔  

ماہرین کا کہنا ہے کہ اگر آئندہ دنوں سردی کی لہر یا بارشوں کا سامنا ہوا تو ان نازک پھولوں کا متاثر ہونا فصل کے لیے سنگین مسئلہ بن سکتا ہے اور پیداوار پر منفی اثرات مرتب ہو سکتے ہیں۔