ETV Bharat / jammu-and-kashmir
امرناتھ یاترا 2026 شروع، ایل جی منوج سنہا نے پہلے قافلے کو جموں سے روانہ کیا
ہزاروں یاتری پہلگام اور بالتل کے راستوں سے وادی کی جانب روانہ ہوئے، جہاں سے وہ اپنے اس مذہبی سفر کا آغاز کریں گے۔
Published : July 2, 2026 at 7:10 AM IST
جموں: (محمد اشرف گنائی) جموں و کشمیر کے لیفٹیننٹ گورنر اور شری امرناتھ شرائن بورڈ کے چیئرمین منوج سنہا نے جمعرات کی صبح جموں کے بھگوتی نگر یاتری نواس کیمپ سے امرناتھ یاترا 2026 کے پہلے قافلے کو جھنڈی دکھا کر روانہ کیا۔
پہلے قافلے میں شامل ہزاروں یاتری سخت سکیورٹی انتظامات کے درمیان پہلگام اور بالتل کے راستوں سے وادیٔ کشمیر کی جانب روانہ ہوئے، جہاں سے وہ 'بابا برفانی' کے نام سے مشہور شیو لنگ کے درشن کے لیے اپنے سفر کا آغاز کریں گے۔
Har Har Mahadev!
— Manoj Sinha (@manojsinha_) July 2, 2026
The sacred journey to the holy abode of Baba Barfani begins! Flagged off the first batch of pilgrims for Shri Amarnath Ji Yatra 2026 from Jammu’s Bhagwati Nagar Base Camp. Shri Amarnath Ji Yatra is a profound spiritual awakening. Every step taken on this holy… pic.twitter.com/E9RC0TldfF
پہلے قافلے کی تفصیلات
جموں سے بالتال اور پہلگام کے بیس کیمپوں کے لیے روانہ ہوئے 259 گاڑیوں کے پہلے قافلے میں کل 4,822 یاتری جموں سے روانہ ہوئے، جب کہ کل 2,510 یاتری روایتی پہلگام کے راستے سے سفر کر رہے ہیں، وہیں 2,312 یاتریوں نے بالتل کے چھوٹے راستے کا انتخاب کیا ہے۔ پہلی کھیپ میں 3,707 مرد یاتری، 816 خواتین، 16 بچے، 246 سادھو اور 37 سادھویاں شامل ہیں۔ قافلے میں 106 بسیں، 39 میڈیم موٹر وہیکلز (MMVs)، 111 لائٹ موٹر وہیکلز (LMVs) اور تین پہیوں والی گاڑیاں شامل ہیں۔
ایل جی نے یاتریوں کو نیک خواہشات پیش کی
انتظامیہ نے یاتریوں کی حفاظت، قیام و طعام، صحت، ٹرانسپورٹ اور دیگر بنیادی سہولیات کے لیے وسیع تر انتظامات کیے ہیں۔ اس موقعے پر لیفٹیننٹ گورنر منوج سنہا نے یاتریوں کو نیک خواہشات پیش کرتے ہوئے کہا کہ انتظامیہ نے یاترا کو پرامن و محفوظ بنانے اور خوش اسلوبی سے مکمل کرانے کے لیے تمام ضروری انتظامات کیے ہیں۔
انہوں نے ملک بھر سے آنے والے عقیدت مندوں کے لیے کامیاب اور روحانی طور پر بابرکت یاترا کی دعا بھی کی۔ 57 روزہ امرناتھ یاترا کے دوران یاتری جنوبی کشمیر کے روایتی پہلگام راستے اور وسطی کشمیر کے بالتل راستے سے مقدس امرناتھ غار تک پہنچیں گے، جب کہ یاترا 28 اگست کو رکشا بندھن کے موقعے پر اختتام پذیر ہوگی اور مجموعی طور پر 57 دنوں پر محیط ہوگی۔
مزید پڑھیں:
امرناتھ یاترا کے سبب قومی شاہراہ پر سیکورٹی کے غیر معمولی انتظامات
امرناتھ یاترا 2026: صرف نامزد افسران ہی میڈیا کو سرکاری معلومات فراہم کریں گے
امرناتھ یاترا کے محفوظ انعقاد کے لیے کثیر سطحی سکیورٹی انتظامات کیے گئے ہیں، آئی جی پی کشمیر
