خانقاہ فیض پناہ سے میلادالنبی ریلی کا اہتمام

عید میلاد النبی کی تقریب سعید ترال علاقے میں تزک واحتشام کے ساتھ منائی گئی اس سلسلے میں خانقاہ فیض پناہ ترال سے ایک میلاد جلوس نکالا گیا جو مختلف بازاروں سے گزر کر بس اسٹینڈ اور بعد ازاں خانقاہ فیض پناہ ترال میں اختتامی دعاوں کے ساتھ اختتام پذیر ہوا۔

جلوس میں شامل افراد میلاد النبی کی مناسبت سے نعرے بلند کر رہے تھے ریلی میں میر واعظ ترال مولانا شبیر احمد عثمانی، مولانا عرفان احمد ثقافی، ممبر اسمبلی ترال رفیق احمد نایک اور پولیس کے اعلی آفیسروں نے شرکت کی ۔ریلی میں حضرت محمد مصطفیٰﷺکی ولادت باسعادت کی مناسبت سے بارگاہ رسالت میں درود و سلام کا ہدیہ پیش کیا گیا اور ملک کی سلامتی کے لئے خصوصی دعائیں بھی مانگی گئیں۔

جشن عید میلادالنبیﷺ کے سلسلے میں عاشقان رسول ﷺ نے اپنے گھروں کو خوبصورت برقی قمقموں سے سجایا جبکہ تمام سرکاری وغیرسرکاری عمارتوں پر چراغاں کیا گیا۔ جشن عید میلاالنبی کے موقع پر سیکیورٹی کے سخت انتظامات کیے گئے، جلوس کی سیکیورٹی کے لیے پولیس کے خصوصی دستے تعینات کیے گئے۔

مزید پڑھیں:بجلی بل میں اضافے کے خلاف شوپیان میں اپنی پارٹی کا زوردار احتجاج، حکومت سے فیصلہ واپس لینے کا مطالبہ

اس موقع پر مولانا عرفان احمد ثقافی نے بتایا کہ کائنات کی بہار آمد ﷺ کے ظہور سے ہی ممکن ہوئی ہے اور لوگوں کو چاہیے کہ اسلام کی تعلیمات پر عمل پیرا ہوکر دین مصطفوی کا حقیقی پیروکار بنے۔اس موقع پر جگہ جگہ لوگوں نے مشروبات کا اہتمام بھی کیا تھا