اسمبلی ضمنی انتخابات: کوریڈانگ ریکارڈ 82.21 فیصد ٹرن آؤٹ، دھرم نگر 80.04 فیصف، کرناٹک میں دو سیٹوں پر 68 فیصد سے زیادہ ووٹنگ

الیکشن کمیشن آف انڈیا (ای سی آئی) کے مطابق کیرالم اسمبلی انتخابات میں سہ پہر 3 بجے تک 62.71 فیصد ووٹنگ ریکارڈ کی گئی۔ الیکشن کمیشن کے مطابق، الپوزا سیٹ پر 65.65 فیصد ووٹر سہ پہر تین بجے تک ووٹ ڈال چکے تھے۔

دھرمادوم سیٹ، جہاں سے کیرالہ کے وزیر اعلیٰ پنارائی وجین دوبارہ انتخاب کے خواہاں ہیں، وہاں 63.60 فیصد ووٹ ڈالے گئے۔ پراوور سیٹ پر جہاں اپوزیشن لیڈر وی ڈی۔ ستیسان الیکشن لڑ رہے ہیں 66.48 فیصد ووٹرز نے اپنا حق رائے دہی استعمال کیا۔ ہری پاد سیٹ، جہاں سے کانگریس لیڈر رمیش چنیتھلا انتخاب لڑ رہے ہیں، وہاں 60.93 فیصد ووٹ ڈالے گئے۔

آسام، کیرالم اور پڈوچیری میں اسمبلی انتخابات 2026 کے لیے ووٹنگ جاری ہے۔ دوپہر تین بجے تک، ووٹر ٹرن آؤٹ کا فیصد اس طرح ہے:

آسام میں 75.91 فیصد

کیرالم میں 62.71 فیصد

پڈوچیری میں 72.40 فیصد ووٹنگ ریکارڈ کی گئی۔

پولیس نے ایک ویڈیو کے سلسلے میں ایف آئی آر درج کی ہے جس میں ریاست میں جاری اسمبلی انتخابات کے درمیان آسام کے کربی انگلونگ میں پولنگ اسٹیشن کے اندر انتخابی عمل کو مبینہ طور پر دکھایا گیا ہے۔

چیف الیکٹورل آفیسر کے دفتر کے ایک بیان میں کہا گیا ہے کہ سوشل میڈیا پر ایک ویڈیو وائرل ہے جس کے حوالے سے کربی انگلونگ ضلع انتظامیہ کے نوٹس میں ایک واقعہ آیا ہے جس میں مبینہ طور پر پولنگ اسٹیشن کے اندر جاری انتخابی عمل کو دکھایا گیا ہے۔

بیان میں کہا گیا کہ "معاملے کا سنجیدگی سے نوٹس لیتے ہوئے، عوامی نمائندگی ایکٹ 1951 کی متعلقہ دفعات کے تحت فوری طور پر ایک ایف آئی آر درج کر لی گئی ہے۔ حقائق جاننے اور ذمہ داروں کی شناخت کے لیے انکوائری شروع کر دی گئی ہے۔ انتخابی قوانین کی کسی بھی خلاف ورزی کے خلاف مناسب قانونی کارروائی کی جائے گی۔"

پی ٹی آئی نے حکام کے حوالے سے جمعرات کو اطلاع دی کہ آسام میں دو مقامات پر انتخابات سے متعلق تشدد کے سلسلے میں سات افراد کو گرفتار کیا گیا۔ عہدیداروں نے بتایا کہ اس کے علاوہ صبح ووٹنگ شروع ہونے کے بعد کئی پولنگ بوتھس پر معمولی جھڑپیں بھی ہوئیں، جس میں لوگوں کو معمولی چوٹیں آئیں۔

انسپکٹر جنرل آف پولیس (لاء اینڈ آرڈر) اکھلیش کمار سنگھ نے خبر رساں ایجنسی کو بتایا کہ بدھ کی رات تمول پور اور سیوا ساگر میں تشدد کے واقعات صبح پولنگ شروع ہونے سے چند گھنٹے پہلے ہوئے۔ انہوں نے کہا، "ہمیں کل رات تمول پور میں دو گروپوں کے درمیان تصادم کی اطلاع ملی۔ پولیس فوری طور پر موقع پر پہنچی اور بھیڑ کو کنٹرول کرنے کی کوشش کی۔ جب انہوں نے بات نہیں مانی تو ہجوم کو منتشر کرنے کے لیے ہوا میں چند راؤنڈ فائر کیے گئے،" انہوں نے مزید کہا کہ چار لوگوں کو جائے وقوعہ سے گرفتار کیا گیا ہے۔

آئی جی نے بتایا کہ ایک اور واقعہ میں، سیواساگر میں ایک سیاسی پارٹی کے دو سے تین ارکان پر حملہ کیا گیا۔ اکھل گوگوئیط نے الزام لگایا کہ اس واقعہ کے پیچھے بی جے پی کے امیدوار کشال دواری کا ہاتھ ہے۔

آسام اسمبلی انتخابات 2026: عہدیداروں نے اطلاع دی کہ ریاست میں جاری اسمبلی انتخابات کے درمیان آسام کے سونیت پور ضلع میں جمعرات کو ایک انتخابی اہلکار مردہ پایا گیا۔ انہوں نے بتایا کہ دیبن ہورو (45) کو نادوار حلقہ میں سیکنڈ پولنگ اہلکار کے طور پر تعینات کیا گیا تھا۔ ایک اہلکار نے بتایا، "دیبن ہورو ایل پی اسکول کے پولنگ اسٹیشن نمبر 230 پر تعینات تھے۔ وہ آج صبح اپنے بستر پر بے ہوش پائے گئے۔ انہیں ایمبولینس کے ذریعے قریبی اسپتال لے جایا گیا، جہاں ڈاکٹروں نے انہیں مردہ قرار دے دیا۔" اہلکار نے مزید کہا کہ موت کی وجہ ابھی تک پتہ نہیں چل سکی ہے، حالانکہ ڈاکٹروں کو شبہ ہے کہ یہ بنیادی طبی حالت کی وجہ سے ہوئی ہے۔

آسام، کیرالم اور پڈوچیری میں اسمبلی انتخابات 2026 کے لیے ووٹنگ جاری ہے۔ دوپہر ایک بجے تک، ووٹر ٹرن آؤٹ کا فیصد اس طرح ہے:

آسام میں 59.63 فیصد

کیرالم میں 49.70 فیصد

پڈوچیری میں 56.83 فیصد ووٹنگ ریکارڈ کی گئی۔

آسام کے وزیر اعلیٰ اور جلوکباری سے امیدوار، ہمنتا بسوا سرما نے 2026 کے آسام اسمبلی انتخابات کے لیے کامپور کے ایک پولنگ اسٹیشن پر اپنا ووٹ ڈالا، ان کے ساتھ ان کی اہلیہ، رینیکی بھویان شرما، اور ان کے بچے بھی تھے۔

کیرالم اسمبلی انتخابات 2026: کانگریس کے رکن پارلیمنٹ ششی تھرور نے ترواننت پورم میں اپنے حق رائے دہی کا استعمال کیا۔

صبح 11 بجے تک تقریباً ووٹر ٹرن آؤٹ:

آسام - 38.92 فیصد

کیرالم - 33.28 فیصد

پڈوچیری - 37.06 فیصد

ملیالم سنیما کے آئیکن مموتی جمعرات کی صبح کوچی کے ایک پولنگ اسٹیشن پر اپنی اہلیہ سلفتھ کٹی کے ساتھ اپنا ووٹ ڈالا۔

معروف اداکار کالا چشمہ پہن کر غیر معمولی انداز میں پولنگ بوتھ پر پہنچے۔ ان کی موجودگی نے رائے دہندگان اور تماشائیوں کی توجہ مبذول کروائی۔

کانگریس لیڈر شمع محمد نے کنور کے سرکاری ٹریننگ سینٹر کے پولنگ بوتھ میں اپنا ووٹ ڈالا۔ اس موقع پر انھوں نے کہا کہ، "یو ڈی ایف یہ الیکشن بھاری اکثریت سے جیت رہی ہے۔ آپ نے دیکھا ہوگا کہ زمین پر موجود لوگ کہہ رہے ہیں کہ وہ تبدیلی چاہتے ہیں۔۔۔ ریاست قرضوں میں ڈوبی ہوئی ہے، بے روزگاری ہے، ریاست میں آج منشیات کا مسئلہ ہے۔۔۔بی جے پی اتنی مایوس ہے کہ وہ ووٹ خرید رہی ہے۔"

آسام کانگریس کے صدر اور جورہاٹ اسمبلی حلقہ سے کانگریس امیدوار، گورو گوگوئی نے آسام انتخابات کے لیے اپنا ووٹ ڈالا۔ اس موقع پر انھوں نے کہا کہ، "یہ آسام کے لیے ایک اہم دن ہے۔ ذاتی طور پر، یہ میرے لیے خوشی کی بات ہے کہ آج میری ماں بھی میرے ساتھ ووٹ ڈالنے آئی ہیں۔ انھوں نے مجھے اپنا آشیرواد دیا۔ لوگوں کے چہروں پر مسکراہٹ اس بات کی نشاندہی کرتی ہے کہ ہم 4 مئی کو ایک نیا آسام دیکھیں گے۔"

کیرالہ کے وزیر اعلیٰ پنارائی وجین نے اپنا ووٹ ڈالنے کے بعد میڈیا نمائندوں سے کہا کہ، "جھوٹا پروپیگنڈہ ایل ڈی ایف کو شکست نہیں دے سکتا۔ ہم ہمیشہ عوام پر بھروسہ کرتے ہیں، اور عوام ہم پر بھروسہ کرتے ہیں۔۔۔ ہم نے پچھلے دس سالوں سے لوگوں کے ساتھ سفر کیا ہے، اور یہ سفر جاری رہنا چاہیے۔ ہم عوام کے ساتھ ہیں، اور عوام ہمارے ساتھ ہیں۔۔۔فرقہ وارانہ پروپیگنڈہ ہمیں ہرا نہیں سکتا۔"

صبح نو بجے تک آسام کرالم اور پڈوچیری میں پولنگ فیصد:

آسام - 17.87 فیصد

کیرالم - 16.23فیصد

پڈوچیری - 17.41فیصد

آسام کے ہوجائی میں اے آئی یو ڈی ایف (آل انڈیا یونائیٹڈ ڈیموکریٹک فرنٹ) کے صدر مولانا بدرالدین اجمل ریاستی اسمبلی انتخابات 2026 کے لیے اپنا ووٹ ڈالنے سے پہلے دعا کرتے نظر آئے۔

آسام اسمبلی انتخابات 2026 کے لیے پولنگ اسٹیشن 115 اور 116 کے باہر لمبی قطاریں دیکھی گئیں۔ لوگ ووٹ ڈالنے کے لیے اپنی باری کا انتظار کرتے نظر آئے۔

کیرالم کے وزیر اعلی پنارائی وجین نے کنور کے پنارائی آر سی املا بیسک اپر پرائمری اسکول میں اسمبلی انتخابات کے لیے اپنا ووٹ ڈالا۔

کیرالہ انتخابات 2026: اداکار اور فلم پروڈیوسر پرتھوی راج سوکمارن گورنمنٹ فشریز ہائی اسکول، تھیورا میں اپنا ووٹ ڈالنے کے لیے قطار میں کھڑے نظر آئے۔

پڈوچیری کے سابق وزیر اعلی اور کانگریس لیڈر وی نارائناسامی نے ایک سرکاری اسکول میں پولنگ اسٹیشن پر اپنا ووٹ ڈالا۔