سنیتا ولیمز سب سے زیادہ اسپیس واک کرنے والی خاتون بن گئیں، دیکھیے خلائی سفر کی جھلکیاں

واشنگٹن: امریکی خلا باز اور امریکی بحریہ کی سابق افسر سنیتا ولیمز بین الاقوامی خلائی اسٹیشن پر نو ماہ سے زیادہ وقت گزارنے کے بعد زمین پر واپس آگئی ہیں۔ سنیتا ولیمز سب سے زیادہ اسپیس واک اور اسپیس میراتھن دوڑنے والی خاتون بن گئی ہیں۔ وہ 19 ستمبر 1965 کو یوکلڈ، اوہائیو، امریکہ میں پیدا ہوئیں۔ ان کے والد دیپک پانڈیا اصل میں گجرات کے مہسانہ سے تعلق رکھتے ہیں۔ وہ 1957 میں امریکہ چلے گئے، جہاں انہوں نے ارسولین بونی سے شادی کی، جو سلووینیا کی رہنے والی تھی۔ اگرچہ سنیتا ولیمز امریکہ میں ہی پلی بڑھیں، مگر ہندوستانی ثقافت سے ان کا تعلق برقرار رہا۔ اس کا اندازہ اس بات سے لگایا جا سکتا ہے کہ جب وہ بین الاقوامی خلائی اسٹیشن گئی تو اپنے ساتھ بھگواد گیتا کی ایک کاپی، سموسوں کا ایک پیکٹ اور بھگوان گنیش کی مورتی بھی ساتھ لے گئیں۔ یو ایس نیول اکیڈمی سے گریجویٹ سنیتا نے 2017 میں ریٹائر ہونے سے قبل بحریہ کے ہیلی کاپٹر پائلٹ کے طور پر خدمات انجام دیں۔ اس نے 30 طیاروں میں 3000 گھنٹے سے زیادہ پرواز کا تجربہ حاصل کیا۔ سنیتا ولیمز کو 1998 میں ناسا کے خلاباز کے طور پر منتخب کیا گیا۔