کنویں میں مور اور سانپ آمنے سامنے، دیکھیں لڑائی کا ویڈیو

باڑمیر: راجستھان کے باڑمیر ضلع میں 100 فٹ گہرے خشک کنویں میں قومی پرندے مور اور سانپ کے درمیان انوکھی لڑائی دیکھنے کو ملی۔ یہ واقعہ چند روز قبل پیش آیا تھا لیکن اب اس کی ویڈیو منظر عام پر آئی ہے۔ ویڈیو میں سانپ اور مور آپس میں لڑتے نظر آ رہے ہیں۔ وہ ایک دوسرے پر حملہ اور دفاع کرتے نظر آتے ہیں۔

علاقہ میں کوبرامین کے نام سے مشہور مکیش مالی نے بتایا کہ تقریباً 8-9 دن پہلے گیہون گاؤں کے ایک خشک کنویں میں سانپ کے پھنسنے کی اطلاع ملی تھی۔ مور پانی پینے کے لیے کنویں میں اترا ہوگا اور سانپ وہاں پہلے سے موجود تھا۔ کنویں کی گہرائی کی وجہ سے وہ باہر نہیں آ پا رہے تھے۔ ایسے میں ان دونوں کی جان کو خطرہ تھا۔

مکیش نے بتایا کہ پہلے سانپ اور پھر مور کو کنویں سے نکال کر محفوظ جگہ پر چھوڑ دیا گیا۔ مکیش نے بتایا کہ گاؤں والوں کی مدد سے جب وہ بچاؤ کے لیے کنویں پر پہنچے تو مور اور سانپ کے درمیان انوکھی لڑائی چل رہی تھی۔ دونوں ایک دوسرے سے لڑ رہے تھے۔ ساتھ ہی وہ اپنا دفاع بھی کر رہے تھے، یہ ایک انوکھا  نظارہ ہے  جو ویڈیو میں قید کیا گیا تھا۔

دراصل، گاؤں والوں کو گہون گاؤں کے ایک خشک کنویں میں مور اور سانپ کے پھنسے ہونے کی خبر ملی تھی۔ گاؤں والوں نے خود مکیش کو اس کی اطلاع دی۔ گاؤں والوں کی مدد سے مکیش نے 100 فٹ گہرے خشک کنویں میں اتر کر سانپ اور مور کو ایک ایک کر کے بحفاظت نکال لیا۔ گاؤں والوں نے مکیش مالی کی بہادری کی تعریف کی۔