امرناتھ یاتریوں کے استقبال کے لیے بھگوتی نگر جموں کی تزئین و آرائش شروع

جموں: جموں کے بھگوتی نگر یاتری نواس میں امرناتھ یاتریوں کو ہر ممکن سہولت پہنچانے اور ان کا استقبال کرنے کے لیے تیاریاں شروع کر دی گئی ہیں۔ یاتری نواس میں مرمت، صفائی اور تزئین و آرائش کا کام زوروں سے جاری ہے۔ یاد رہے کہ رواں برس امرناتھ یاترا 3 جولائی سے شروع ہو کر 9 اگست تک جاری رہے گی۔

انتظامیہ یاتریوں کے لیے خوشگوار ماحول فراہم کرنے کے لیے ہر ممکن کوشش کر رہی ہے۔ سکیورٹی کے سخت انتظامات کے ساتھ ساتھ صفائی، رہائش اور دیگر سہولیات کو یقینی بنایا جا رہا ہے۔  

ڈویژنل کمشنر جموں کی زیر صدارت منعقدہ ایک اجلاس میں امرناتھ یاترا کے تمام پہلوؤں پر غور کیا گیا، جبکہ محکموں کو ہدایات جاری کی گئی ہیں کہ وہ باہمی تعاون سے یاترا کو کامیاب بنائیں۔