باپ نے اپنے 15 سالہ بیٹے کو دی خوفناک موت، خراب عادت کی اتنی بڑی سزا

پولیس نے 15 سالہ نوعمر لڑکے کے قتل کا معمہ حل کر لیا ہے۔ پولیس نے مقتول کے باپ کو گرفتار کر لیا ہے۔

ردرپور: ایک دن پہلے ہی 15 اپریل کو اتراکھنڈ کے ادھم سنگھ نگر ضلع میں ایک 15 سالہ نو عمر لڑے کو بے رحمی سے قتل کر دیا گیا۔ پنت نگر تھانہ حلقے میں انجام دی گئی اس واردات کو پولیس نے 12 گھنٹے کے اندر ہی حل کر لیا ہے۔ ایس پی کرائم نہاریکا تومر نے میڈیا کے سامنے پورے معاملے کا انکشاف کیا۔ اس خوفناک قتل کا ملزم کوئی اور نہیں بلکہ لڑکے کا باپ نکلا۔ پولیس نے پریس کانفرنس کر کے بتایا کہ باپ نے اپنے بچے کو کیوں مارا؟

پنت نگر تھانہ حلقے کے سدکول کے قریب ایک 15 سالہ بچے کی لاش کھیت میں ملی تھی۔ واقعے کی اطلاع ملتے ہی پولیس بھی موقعے پر پہنچ گئی اور لاش کو تحویل میں لے کر تفتیش شروع کر دی۔ پولیس کا خیال ہے کہ بچے کو گلا دبا کر قتل کیا گیا۔ اس کے علاوہ بچے کے چہرے پر زخموں کے متعدد نشانات پائے گئے۔ پولیس نے جائے واردات کو معائنہ کرنے کے بعد اپنی تفتیش کو آگے بڑھایا۔ مقتول لڑکے کی شناخت انکت کے طور پر ہوئی۔

پولیس نے بتایا کہ بچے کی ماں نے اس معاملے میں مقدمہ درج کرایا ہے۔ پولیس کی کئی ٹیمیں 15 سالہ انکت کے قتل کا معمہ حل کرنے میں مصروف تھیں۔ پولیس نے پہلے علاقے میں نصب سی سی ٹی وی کیمروں کی فوٹیج کی جانچ کی۔ اس کے علاوہ دیگر شواہد بھی اکٹھے کر کے گہرائی سے تفتیش کی۔ پولیس کے مطابق اس معاملے میں ملنے والے تمام شواہد انکت کے باپ کی طرف اشارہ کر رہے تھے۔

🛑 एसएसपी मणिकांत मिश्रा के निर्देशानुसार अपराधियों के विरुद्ध ताबड़तोड़ कार्यवाही लगातार जारी !
पंतनगर क्षेत्र मे हुई हत्या का ऊधम सिंह नगर पुलिस ने मात्र 12 घंटे में किया खुलासा,पिता ही निकला अपने पुत्र का हत्यारा, वेतन के पैसों की चोरी को लेकर मां तथा बेटे से तंग आकर की हत्या। pic.twitter.com/h5Ql9jQSDK

— Udham Singh Nagar Police Uttarakhand (@UdhamSNagarPol) April 16, 2025

شک کی بنیاد پر پولس نے انکت کے باپ دیو دت گنگوار کو حراست میں لے کر پوچھ گچھ شروع کر دی۔ پہلے تو دیو دت گنگوار پولیس کو گمراہ کرتے رہے۔ وہ کہتے رہے کہ وہ اپنے بیٹے انکت کو صبح اسکول چھوڑ کر ڈیوٹی پر گئے تھے۔ پوچھ گچھ کے دوران دیو دت گنگوار نے پولیس کو بتایا کہ 10:30 بجے انکیت کے کزن کے فون پر ایک نامعلوم نمبر سے کال آئی۔ فون کرنے والے نے اطلاع دی تھی کہ انکت کی لاش سدکول علاقے میں ایک خالی کھیت میں پڑی ہے۔ اس کے بعد وہ بھی موقعے پر پہنچ گیا۔

تاہم جب پولیس نے دیو دت گنگوار سے سختی سے پوچھ گچھ کی تو اس نے ساری حقیقت بتا دی۔ اس کے بعد دیو دت گنگوار نے پولیس کے سامنے اپنے اعتراف جرم کر لیا۔

ایس پی کرائم نہاریکا تومر نے بتایا کہ ''دیو دت گنگوار کے گھر میں پیسوں کو لے کر اکثر جھگڑے ہوتے رہتے تھے۔ باپ کا کہنا ہے کہ انکت کئی بار گھر سے پیسے چوری کر چکا تھا۔ اس کی وجہ سے کئی بار نوبت لڑائی تک آ پہنچی۔ واردات والے دن صبح کو بھی گھر میں لڑائی جھگڑا ہوا۔ اسی وقت دیو دت گنگوار نے اپنے 15 سالہ بیٹے کو قتل کرنے کا منصوبہ بنایا۔ دیو دت گنگوار اپنے بیٹے انکت کو اسکول چھوڑنے کے بہانے جائے واردات پر لے گیا، جہاں دیو دت گنگوار نے اپنے 15 سالہ بیٹے کا گلا دبا کر قتل کر دیا۔''