سلطان پور، اترپردیش: ریاست اترپردیش کے سلطان پور ضلع کے ایک گاؤں میں نوجوان کے ساتھ بربریت کی حدیں پار کردی گئیں۔ بدھ کی رات دیر گئے، شرپسند عناصر نے پہلے نوجوان کو اس کے گھر سے بلایا اور پھر اسے بے دردی سے مارا۔ پھر اس کی شرمگاہ کاٹ دی گئی۔ حملہ آور واقعہ کے بعد فرار ہو گئے۔
اطلاع ملنے پر مقامی لوگوں نے پرائیویٹ پارٹ کٹ جانے اور خون بہہ جانے والے نوجوان کو فوری طور پر میڈیکل کالج میں داخل کرایا، جہاں اس کا علاج جاری ہے۔ دوبے پور ڈیولپمنٹ بلاک کے رہنے والا نوجوان کسی ذاتی کام سے پنچوپیرن گاؤں گیا ہوا تھا۔
شرمگاہ کو تیز دھار ہتھیار سے کاٹ دیا
بتایا جا رہا ہے کہ اس کا مقامی لوگوں سے پرانا جھگڑا تھا جس میں ایک لڑکی سے متعلق معاملہ بھی شامل تھا۔ اس دشمنی کی وجہ سے انہوں نے بدھ کی رات کسی بہانے سے نوجوان کو بلایا اور اس کی پٹائی شروع کردی۔ اس کے بعد اس کی شرمگاہ کو تیز دھار ہتھیار سے کاٹ دیا گیا۔
واقعہ کی اطلاع ملتے ہی سٹی پولیس چیف نارد منی سنگھ پولیس فورس کے ساتھ موقع پر پہنچ گئے۔ زخمی نوجوان کو فوری طور پر میڈیکل کالج بھیجا گیا، جہاں اس کا علاج چیف میڈیکل سپرنٹنڈنٹ ڈاکٹر آر کے مشرا کی نگرانی میں جاری ہے۔ ڈاکٹر مشرا نے بتایا کہ نوجوان کی حالت اب مستحکم ہے۔
سٹی کوتوال نارد منی سنگھ نے کہا کہ معاملے کی سنگینی کو دیکھتے ہوئے فوری کارروائی کی جارہی ہے۔ ملزمان کی نشاندہی کرکے ان کے خلاف مقدمہ درج کیا جائے گا۔ پولیس ٹیم ملزمان کی گرفتاری کے لیے ممکنہ ٹھکانوں پر چھاپے مار رہی ہے۔
