نئی دہلی : سپریم کورٹ نے جمعہ کو فیصلہ کیا کہ تمل ناڈو کے مدورائی میں مبینہ طور پر غیرقانونی و اجازت کے بغیر تعمیر کیے گئے مندر کے انہدام کو روک دیا جائے۔ یہ معاملہ جسٹس اجل بھویان اور منموہن پر مشتمل بنچ کے سامنے آیا۔ عرضیاں سننے کے بعد، بنچ نے مدورائی میں وسھارا ویلفیئر ایسوسی ایشن کے ذریعے رہائشیوں کی درخواست پر شہری ادارہ سے جواب طلب کیا۔
اسوسی ایشن نے مدراس ہائی کورٹ کے اس حکم کے خلاف سپریم کورٹ کا رخ کیا تھا جس میں مندر کو مسمار کرنے کی ہدایت دی گئی تھی۔ عدالت عظمیٰ نے اپنے حکم میں کہا کہ "ہائی کورٹ نے مندر کو مسمار کرنے کا حکم دیا ہے۔ اس کو آٹھ ہفتوں کےلئے روک دیا جائے، اس دوران مندر کے انہدام پر روک رہے گی"۔
سماعت کے دوران بنچ نے مکینوں کی درخواستوں پر غور کیا۔ رہائشیوں کی نمائندگی کرتے ہوئے سینئر ایڈوکیٹ دما شیشادری نائیڈو نے بنچ کے سامنے استدلال کیا کہ ہائی کورٹ نے دونوں فریقوں کو سننے کا موقع نہیں دیا اور یہاں تک کہ درخواستیں بھی مکمل نہیں کی گئیں۔ یہ الزام لگایا گیا تھا کہ مندر غیر قانونی طور پر ایک اپارٹمنٹ کمپلیکس کی کھلی جگہ کے طور پر مختص پلاٹ پر بغیر اجازت کے بنایا گیا تھا۔ مندر کو منہدم کرنے کی ہدایت دیتے ہوئے ہائی کورٹ نے کہا تھا کہ اپارٹمنٹ مالکان کی اسوسی ایشن کھلی جگہ پر مندر کی تعمیر کے لیے کوئی اجازت نہیں دے سکتی ہے۔
