راجکوٹ: جموں و کشمیر کے پہلگام میں دہشت گردانہ حملے کے خلاف جام نگر ضلع کے جام جودھپور کے ایک نوجوان نے پوربندر سے پہلگام تک ایک عدم تشدد پد یاترا کی شروعات کی ہے۔ یہ پد یاترا 30 مئی کو پوربندر سے شروع ہوئی تھی اور جب یہ یاترا 31 مئی کو راجکوٹ کے اپلیٹا پہنچی تو اپلیٹا شہر کے عوامی چوک میں ان کا خیرمقدم کیا گیا۔
پہلگام میں دہشت گردانہ حملے کے خلاف احتجاج میں، عدم تشدد کے شہر اور مہاتما گاندھی کی جائے پیدائش پوربندر سے صدام باپو قادری نے پہلگام تک عدم تشدد کی پد یاترا شروع کی۔ صدام باپو قادری نے گاندھی جی سے تحریک لی ہے کہ وہ اپنے اختیار کردہ راستے کو بامقصد بنانے اور ہندوستان سے تشدد کو ختم کرنے اور عدم تشدد کو سرفہرست بنانے کے لیے یہ یاترا شروع کی ہے۔ یہ یاترا ہندوستان سے دہشت گردی کے خاتمے اور پہلگام حملے میں مارے گئے ہندو مسلم کمیونٹی کے لوگوں کی یاد میں ایک متاثر کن کام کے طور پر شروع کی گئی ہے۔
اس پد یاترا کے دوران جہاں بھی یاترا پہنچے گی وہاں کی مسلم کمیونٹی اپنی استطاعت کے مطابق مالی تعاون کرے گی۔ یہ رقم اکٹھی کی جائے گی اور پہلگام حملے میں زخمی اور ہلاک ہونے والے لوگوں کے لیے بھیجی جائے گی۔ اس قسم کے نظریے کے ساتھ پہلی بار ملک کی یکجہتی اور سالمیت کو برقرار رکھنے کے لیے حب الوطنی کے جذبے کے ساتھ بڑی تعداد میں لوگوں کی موجودگی میں یہ عدم تشدد پد یاترا شروع کی گئی ہے۔
جب یہ یاترا پوربندر سے شروع ہو کر اپلیٹا شہر پہنچی تو اس کا عوامی چوک پر مختلف برادریوں، بھیم آرمی ایکتا منچ، ہندو مسلم لیڈروں اور اپلیٹا بس اسٹینڈ چوک سے سیاسی نمائندوں کی جانب سے شاندار استقبال کیا گیا اور ایک بڑی ریلی نکالی گئی اور ہر مورتی پر پھول چڑھائے گئے۔
اپلیٹا میں بس اسٹینڈ کے قریب ڈاکٹر بابا صاحب کے مجسمے پر گلہاے عقیدت پیش کیے گیے اور ’’ہندوستان زندہ باد‘‘ اور ’’پاکستان مردہ باد‘‘ کے نعرے لگائے گئے۔ صدام باپو قادری کو ہر چوک پر ہندو مسلم رہنماؤں نے پھولوں اور گلدستوں سے تہنیت پیش کی۔ مقامی لوگوں نے بس اسٹینڈ چوک، باولہ چوک، شہید بھگت سنگھ چوک، گاندھی چوک، ذکریا چوک، ناگناتھ چوک سے لے کر شہر کی مرکزی سڑک تک پد یاترا میں حصہ لے کر ان کی حوصلہ افزائی کی۔
یہ بھی پڑھیں:
