ایودھیا : ایودھیا میں رام مندر کے قریب واقع گیسٹ ہاؤس میں رہنے والی ایک خاتون کو نہاتے ہوئے ویڈیو بنانے کا معاملہ سامنے آیا ہے۔ بتایا جا رہا ہے کہ ملزم نوجوان گیسٹ ہاؤس میں باورچی ہے۔ تاہم گیسٹ ہاؤس میں مقیم عقیدت مندوں نے ملزم نوجوان کو پکڑ کر پولیس کے حوالے کر دیا۔
تفصیلات کے مطابق رام مندر کے درشن کے لیے عقیدت مندوں کا ایک گروپ وارانسی سے ایودھیا پہنچا۔ گروپ کے کچھ لوگوں نے گیٹ نمبر 3 کے سامنے واقع گیسٹ ہاؤس میں دو کمرے بک کرایا ہے جہاں تمام عقیدت مند درشن کی تیاری کر رہے تھے، اس دوران ایک خاتون عقیدت مند نہانے کے لیے باتھ روم گئی۔ اسی دوران ایک نوجوان، خاتون کی ویڈیو بنارہا تھا۔ یہ دیکھ کر خاتون نے شور مچایا اور رشتہ داروں کو یہ بات بتائی، خاتون کی شکایت پر نوجوان کو گرفتار کر لیا گیا۔ نوجوان گیسٹ ہاؤس میں کام کرنے والا باورچی نکلا۔ وہ بہرائچ کا رہنے والا ہے۔ بھکتوں کی اطلاع پر پولیس پہنچی اور نوجوانوں کو تھانے لے گئی۔
خاتون کے مطابق وہ اپنے پانچ رشتہ داروں کے ساتھ وارانسی سے رام مندر کے درشن کے لیے ایودھیا آئی ہے۔ شام ہونے کی وجہ سے ہم نے اپنے قیام کے لیے رام مندر کے قریب گیسٹ ہاؤس میں دو کمرے بک کرائے تھے۔ میں جمعہ کی صبح 6 بجے نہانے کے لیے واش روم گئی تو مجھے گیسٹ ہاؤس کے اوپر ٹین شیڈ پر سایہ نظر آیا۔ سائے کو دیکھ کر میں نے شور مچایا، اس کے بعد آس پاس کے لوگ موقع پر پہنچ گئے اور ویڈیو بنانے والے نوجوان کو پکڑ لیا اور پولیس کو اطلاع دی گئی۔
سی او آشوتوش تیواری کے مطابق ملزم نوجوان کو گرفتار کر لیا گیا ہے۔ ملزم نوجوان کے پاس سے ملنے والے موبائل فون میں 10 کے قریب خواتین کے نہانے کی ویڈیوز موجود ہیں۔ اس سلسلے میں ملزم سے پوچھ گچھ کی جا رہی ہے۔ خاتون عقیدت مند کی شکایت کی بنیاد پر ملزم نوجوان کے خلاف کارروائی کی جائے گی۔
