ویلور(تمل ناڈو): ویلور ضلع کے انی کٹ تعلقہ کی ارایاونکاڈو پنچایت کی حدود میں کٹوکولائی نام کا ایک گاؤں ہے۔ کہا جاتا ہے کہ لوگ یہاں 500 سے زیادہ گھروں میں 5 نسلوں سے رہ رہے ہیں۔
اس صورتحال میں ورینچی پورم حضرت سید علی سلطان شاہ درگاہ کی طرف سے 14 فروری کو مکینوں کو ایک نوٹس دیا گیا تھا، جس میں کہا گیا تھا کہ کٹوکولئی گاؤں میں جس زمین پر 300 مکانات ہیں، وہ وقف بورڈ کی ہے اور انہیں اب وہاں رہنے کے لیے کرایہ ادا کرنا ہوگا۔ اس کی اطلاع ملنے کے بعد ہندو مننی ڈویژن کے لیڈر مہیش نے لوگوں سے بات کی اور اس مسئلہ پر ویلور کے کلکٹر سبولکشمی سے ملاقات کی اور عرضی داخل کی۔
اس درخواست میں انہوں نے کہا کہ ہم یہاں پانچ نسلوں سے رہ رہے ہیں اس لیے ہم جس گھر میں رہتے ہیں وہ ہمارے ہیں۔ درگاہ کی جانب سے کہا گیا ہے کہ 'مذکورہ بالا تمام جائیدادیں 1959 سے وقف بورڈ کی ہیں۔ اس کے دستاویزات دستیاب ہیں۔
اس بارے میں پوچھے جانے پر کٹوکولئی گاؤں کی مالاروینی نے کہا، 'ہم یہاں پانچ نسلوں سے رہ رہے ہیں۔ اب درگاہ والوں نے اچانک نوٹس بھیجا ہے کہ ہم جس جگہ پر ہیں وہ وقف کی ہے۔ ہم یہ کیسے قبول کر سکتے ہیں؟ تمل ناڈو حکومت کو اس سلسلے میں مناسب کارروائی کرنی چاہیے۔ اس حوالے سے ہندو منڈل کے رہنما مہیش نے سوال اٹھاتے ہوئے کہا کہ 'جب یہاں مندر ہے تو یہ کیسے کہا جا سکتا ہے کہ یہ جگہ وقف کی ہے۔'
درگاہ کے متولی نے کیا کہا؟
دریں اثناء حضرت سید علی سلطان شاہ درگاہ کے متولی (صدر) سید صدام نے کہا کہ کٹوکولئی گاؤں میں سروے نمبر 2 کے تحت جائیدادیں وقف بورڈ کی ہیں۔ وہ لوگ اس پر قابض ہیں۔ اس کے لیے لیز اور چٹا سمیت تمام دستاویزات موجود ہیں۔ اس جگہ پر 1990 کے بعد ہی قبضہ ہوا ہے اس وقت شکایت کرنے کے بعد بھی کوئی کارروائی نہیں کی گئی۔ اس وقت تجاوزات ہٹانے اور وقف املاک کو واپس حاصل کرنے کی کوششیں جاری ہیں۔ ان کاکہنا ہے کہ ہمارے پاس ان جائدادوں کے تمام کاغذات موجود ہیں۔
انتظامیہ کا کیا کہنا ہے؟
سوال یہ پیدا ہوا ہے کہ کٹوکولئی گاؤں میں اس زمین کا مالک کون ہے اور ضلع کلکٹر نے اس بارے میں مناسب وضاحت دی ہے۔ اس سلسلے میں ویلور کلکٹر سبولکشمی نے کہا، "ایراوانکاڈو زمین کے معاملے کو لے کر گاؤں والوں کی طرف سے ضلع انتظامیہ کو ایک عرضی پیش کی گئی تھی۔ اس کی بنیاد پر، ڈسٹرکٹ ریونیو افسر نے دونوں فریقوں کو ہدایت دی ہے کہ وہ اپنے قبضے میں موجود زمین سے متعلق دستاویزات حاصل کریں اور تحقیقات کریں۔ ڈسٹرکٹ ریونیو افسر سے رپورٹ ملنے کے بعد، ہم اس پر کارروائی کریں گے۔"
