احمد آباد: گجرات کے سابق وزیر اعلیٰ وجے روپانی جمعرات کی سہ پہر احمد آباد میں ایئر انڈیا کے طیارے کے حادثے میں ہلاک ہو گئے۔ لندن جانے والا بدقسمت ایئر انڈیا کا بوئنگ طیارہ جمعرات کی دوپہر احمد آباد ہوائی اڈے سے ٹیک آف کرنے کے چند لمحوں بعد گر کر تباہ ہو گیا۔
بی جے پی ایم پی سمبیت پاترا نے روپانی کے انتقال کی خبر کی تصدیق کی اور ایکس پر ایک پوسٹ کے ذریعے تعزیت پیش کی۔ پاترا نے کہاکہ "گجرات کے سابق وزیر اعلی اور بی جے پی خاندان کے سینئر رکن، وجے روپانی جی کے احمد آباد میں بدقسمت طیاہ حادثے میں المناک موت کی خبر انتہائی دردناک اور دل کو دہلا دینے والی ہے۔" انہوں نے کہا کہ "ان کی رخصتی نہ صرف گجرات بلکہ پوری بھارتی سیاست کے لئے ایک ناقابل تلافی نقصان ہے"۔ انہوں نے روپانی کی روح کی شانتی کےلئے دعا کی۔
مسافر مینی فیسٹ کے مطابق دو میعاد کے وزیر اعلیٰ ہوائی جہاز میں سوار ہوئے اور انہیں 2D سیٹ پر بٹھایا گیا۔ ان کا ٹکٹ، جو راجکوٹ کی ایک ٹریول فرم کے ذریعے بک کیا گیا تھا، 3 جون کو جاری کیا گیا تھا۔ انہوں نے سیٹ نمبر 11 جی بک کروائی تھی۔ لیکن مینی فیسٹ میں دکھایا گیا کہ اسے سیٹ 2D میں اپ گریڈ کیا گیا۔
جو پرواز حادثہ کا شکار ہوئی، اسے مقامی وقت کے مطابق شام 6.15 بجے لندن گیٹوک ایئرپورٹ پر اترنا تھا جبکہ طیارہ احمد آباد سے دوپہر 1.39 بجے روانہ ہوا تھا۔
