بہار میں مجلس کے ریاستی سکریٹری فائرنگ میں ہلاک

author img

By ETV Bharat Urdu Desk

Published : Feb 13, 2024, 10:01 AM IST

Updated : Feb 13, 2024, 10:07 AM IST

AIMIM state secretary

بہار میں مجلس کے ریاستی سکریٹری فائرنگ میں ہلاک

Firing on MIM leader in Bihar ریاست بہار کے گوپال گنج علاقے میں آل انڈیا مجلس اتحاد المسلمین کے ریاستی سکریٹری پر نا معلوم افراد کی فائرنگ میں ہلاک ہوگئے ہیں۔

گوپال گنج: آل انڈیا مجلس اتحاد المسلمین کے ریاستی سکریٹری عبدالسلام عرف اسلم مکھیا کو بہار کے گوپال گنج میں گولی مار کر ہلاک کر دیا گیا۔ بتایا جا رہا ہے کہ قاتل نے بائیک پر سوار ہو کر نگر تھانہ علاقہ کے ترکانہا پل کے قریب فائرنگ کردی۔ انہیں زخمی حالت میں گوپال گنج کے صدر اسپتال منتقل کیا گیا جہاں ڈاکٹروں نے اسے مردہ قرار دے دیا۔ اس واقعہ سے علاقہ میں سنسنی پھیل گئی۔

اطلاع ملنے کے بعد پولیس موقع پر پہنچی اور تحقیقات کا آغاز کردیا۔ دو بدمعاش موٹر سائیکل پر سوار ہوئے تھے۔ پھر جیسے ہی وہ ترکانہ پل پر پہنچے تو پیچھے سے ان پر فائرنگ کی گئی۔ گولی اسلم مکھیا کی کمر میں لگی۔ گولی لگتے ہی وہ زخمی ہو کر نیچے گر گئے۔ مقامی لوگوں کی مدد سے انہیں اسپتال منتقل کیا گیا لیکن وہ زخموں کی تاب نہ لاکر فوت ہوگئے۔

گوپال گنج میں جب پولیس نے اسلم کے قتل کی اطلاع اہل خانہ کو دی تو ہنگامہ ہوگیا۔ بتایا جا رہا ہے کہ وہ لکھنؤ جانے کے لیے ریلوے اسٹیشن جا رہے تھے جب یہ واقعہ پیش آیا۔ صدر کے ایس ڈی پی او پرانجل نے صدر اسپتال پہنچ کر معاملے کا جائزہ لیا۔ ایس پی نے ایس ڈی پی او کی قیادت میں ایس آئی ٹی تشکیل دے کر ملزم کی گرفتاری کے لیے کارروائی شروع کر دی گئی ہے۔

مزید پڑھیں: سیاسی رہنما پر فائرنگ

اس معاملے میں ایس پی سوارن پربھات نے کہا کہ "اے آئی ایم آئی ایم کے ریاستی سکریٹری اور سابق سربراہ عبدالسلام عرف اسلم مکھیا کو گولی مار دی گئی ہے۔" وہ صدر اسپتال میں دوران علاج دم توڑ گئے۔ صدر ایس ڈی پی او کی قیادت میں ایس آئی ٹی تشکیل دی گئی ہے۔ ڈی آئی یو اور ایس آئی ٹی ٹیموں نے چھاپے مارنے شروع کر دیے ہیں۔ جائے وقوعہ پر صورتحال معمول پر ہے۔ پولیس کے مطابق ابتدائی طور پر ایسا لگتا ہے کہ قتل ذاتی دشمنی کی وجہ سے ہوا ہے۔

Last Updated :Feb 13, 2024, 10:07 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.