احمد آباد: لندن جانے والی ایئر انڈیا کی فلائٹ (AI171) جمعرات کو اڑان بھرنے کے فوراً بعد احمد آباد میں سردار ولبھ بھائی پٹیل انٹرنیشنل ایئرپورٹ کے قریب ڈاکٹروں کے ہاسٹل سے ٹکرا گئی، جس کی وجہ سے کم از کم پانچ میڈیکل طلباء ہلاک ہو گئے، ایک سینئر پولیس افسر نے بتایا کہ مرنے والوں میں چار انڈر گریجویٹ طلباء اور بی جے میڈیکل کالج ہاسٹل کا ایک پوسٹ گریجویٹ طالب علم شامل ہے۔
ایک سینئر پولیس اہلکار نے بتایا کہ جائے حادثہ کا تقریباً 70 فیصد سے 80 فیصد حصہ صاف کر دیا گیا ہے اور حادثہ کے بعد عوام سے ایمبولینس کے لیے گرین کوریڈور کے لیے تعاون کرنے کی اپیل کی گئی تھی۔
"ٹیک آف کے فوراً بعد، طیارہ گر کر تباہ ہو گیا۔ حکام نے بتایا کہ طیارہ ایک عمارت سے ٹکرا گیا، جو کہ ڈاکٹروں کا ہوسٹل ہے۔ واقعے کے چند منٹ بعد متعلقہ حکام موقع پر پہنچ گئے... تقریباً 70 فیصد سے 80 فیصد علاقے کو کلیئر کر دیا ہے...
حادثہ کے بعد کی تصاویر میں صاف دیکھا جاسکتا ہے کہ ہاسٹل کینٹین میں کھانے کی پلیٹیں اور غذا میزوں پر بکھری ہوئی ہے، جو اس بات کی طرف اشارہ ہے کہ جب طیارہ عمارت پر گرا تو ہاسٹل میں ڈاکٹرز لنچ کر رہے تھے۔ تصاویر میں ہوائی جہاز کا دم والا حصہ ہاسٹل کی عمارت میں پھنسا ہوا دیکھا جا سکتا ہے۔
رپورٹس میں کہا گیا کہ طیارے کے ونگ نے میگھانی نگر کے قریب کثیر المنزلہ ہاسٹل عمارت کی تیسری، چوتھی اور پانچویں منزل کو لپیٹ میں لے لیا جس کے بعد عمارت میں آگ لگ گئی۔ اطلاعات کے مطابق ہاسٹل میں 50 سے زائد افراد بشمول نوجوان میڈیکل انٹرنز اور ان کے اہل خانہ مقیم تھے۔
طیارے میں عملے کے 12 ارکان سمیت 242 مسافر سوار تھے۔ گجرات حکومت نے تین نیشنل ڈیزاسٹر رسپانس فورس (این ڈی آر ایف) کی ٹیموں کو متحرک کرنے کے ساتھ ایک محفوظ اور موثر ریسکیو آپریشن کو یقینی بنانے کے لیے کوششیں جاری ہیں۔
