انھوں نے ہمیں گولڈ نہیں دیا تو کیا ہوا، ہمارے اپنوں نے ہمیں گولڈ سے بھی زیادہ نوازا ہے: ونیش پھوگاٹ - Vinesh Phogat reaction

پیرس اولمپکس سے میڈل کے بغیر ہفتہ کو وطن واپسی پر ونیش پھوگاٹ کا شاندار استقبال کیا گیا۔ جس پر انھوں نے خوشی کا اظہار کرتے ہوئے کہا کہ اس طرح کے اعزاز کے آگے ہزاروں میڈل پھیکے ہیں۔ اس علاوہ انھوں نے اپنی ریٹائرمنٹ واپس لینے کا بھی اشارہ دے دیا ہے۔

نئی دہلی: پیرس اولمپکس 2024 سے نااہل قرار دی گئی ونیش پھوگاٹ ہفتہ کو اپنے ملک واپس آگئی ہیں۔ واپسی کے بعد دہلی ایئرپورٹ سے لے کر ان کے گھر ہریانہ کے چرخھی دادری تک ان کا شاندار استقبال کیا گیا۔

قابل ذکر ہے کہ بغیر میڈل کے وطن واپسی کے باوجود پہلوان کا چیمپئن کھلاڑی کی طرح استقبال کیا گیا۔ اس طرح کے استقبال اور اعزاز سے خوش ہوکر ونیش پھوگاٹ نے جذباتی لہجے میں کہا کہ اگرچہ انھوں نے مجھے گولڈ میڈل نہیں دیا لیکن وطن واپسی کے بعد جو پیار مجھے ملا وہ کسی بھی اولمپک تمغے سے زیادہ قیمتی ہے۔ اس طرح کے اعزاز کے سامنے ہزاروں گولڈ میڈلز پھیکے ہیں۔

VIDEO | " although they didn't give me the gold medal, people here have given me that. the love and the respect that i have received is more than 1,000 gold medals," says wrestler vinesh phogat (@Phogat_Vinesh) in Haryana's Badli. #ParisOlympics2024

(Full video available on PTI… pic.twitter.com/mBfznGwb9Q

— Press Trust of India (@PTI_News) August 17, 2024

ہریانہ کے چرخھی دادری ضلع میں واقع ونیش پھوگٹ کا گاؤں بلالی دہلی سے صرف ساڑھے تین گھنٹے کی مسافت پر ہے۔ لیکن ہفتہ کو دہلی سے لے کر ہریانہ تک کئی مقامات پر ونیش کا شاندار استقبال کیا گیا۔ جس کی وجہ سے تین گھنٹے کی مسافت 12 گھنٹے میں پوری ہوئی۔ ونیش صبح 10 بجے کے قریب دہلی ہوائی اڈے سے نکلی اور رات 12 بجے کے بعد اپنے گاؤں پہنچی۔

لوگوں کا اس قدر پیار اور محبت دیکھ کر پہلوان نے اپنے گاؤں پہنچ کر ریٹائرمنٹ سے واپسی کا بھی اشارہ دے دیا۔ اپنے گاؤں پہنچ کر ونیش نے کہا، 'یہ اولمپک تمغہ ایک گہرا زخم بن گیا ہے۔ اسے بھرنے میں وقت لگے گا لیکن میں اپنے ملک کے لوگوں کا شکریہ ادا کرنا چاہتی ہوں۔

#WATCH | Indian wrestler Vinesh Phogat says, " this olympic medal has become a deep wound...it will take time to heal but i want to thank the people of my country...i can't say anything right now if i have quit (wrestling) or if will i continue...our fight has not ended. i just… https://t.co/1Ub6oAboZE pic.twitter.com/DiuVoFYVPZ

— ANI (@ANI) August 17, 2024

میں ابھی کچھ نہیں کہہ سکتی کہ میں نے کشتی چھوڑ دیا ہے یا جاری رکھوں گی۔ جس کے بعد یہ قیاس آرائیاں تیز ہوگئی ہیں کہ پہلوان ریسلنگ چٹائی پر واپسی کر سکتی ہے۔ ونیش پھوگٹ نے مزید کہا کہ ہماری لڑائی ابھی ختم نہیں ہوئی ہے۔ یہ ایک لمبی لڑائی ہے، ہم اسے پچھلے ایک سال سے لڑ رہے ہیں اور یہ جاری رہے گی، بھگوان سے پرامید ہیں کہ انصاف کی نیت ہوگی۔

واضح رہے کہ اسٹار ریسلر وینیش پھوگاٹ نے 8 اگست کو 100 گرام زیادہ وزن کی وجہ سے نااہل قرار دیے جانے کے بعد ریسلنگ سے ریٹائرمنٹ کا اعلان کر دیا تھا۔ ونیش نے پیرس اولمپکس کے 50 کلوگرام فری اسٹائل ریسلنگ کے مقابلے میں فائنل میں جگہ بنائی تھی، لیکن اس کیٹیگری میں 100 گرام زیادہ وزن ہونے کی وجہ سے انھیں ٹورنامنٹ سے ہی نااہل قرار دے دیا گیا۔ جس کے بعد انہوں نے کھیلوں کے ثالثی عدالت میں مشترکہ چاندی کے تمغے کے حصول کے لیے اپیل کی، جہاں پر بھی ان کی درخواست کو مسترد کر دیا گیا۔