نئی دہلی: نیوزی لینڈ کے 292 رنز کے ہدف کے تعاقب میں پاکستان کرکٹ ٹیم 208 رنز پر ڈھیر ہو گئی۔ نیوزی لینڈ نے دوسرا ون ڈے 84 رنز سے جیت کر سیریز میں 2-0 کی ناقابل تسخیر برتری حاصل کر لی ہے۔ اگرچہ ایک مرحلے پر پاکستان 100 سے کم رنز پر ڈھیر نظر آرہا تھا، فہیم اشرف (73) اور نسیم شاہ (51) نے اچھی کارکردگی کا مظاہرہ کرتے ہوئے ٹیم کو 200 سے تجاوز کر دیا۔ تاہم ان کی جدوجہد ٹیم کو جیت نہ دلا سکی۔
پاکستان کی اننگز کا آغاز عبداللہ شفیق اور امام الحق نے کیا۔ شفیق (1) کو تیسرے اوور میں ول اوورکے نے آؤٹ کیا۔ اس کے بعد بابر اعظم آئے اور اپنی تیسری گیند پر 1 رن بنانے کے بعد پویلین لوٹ گئے۔ جیکب ڈفی نے امام الحق کو پویلئین کا راستہ دکھایا۔ امام نے 3 رن اسکور کئے۔
9 رنز پر 3 وکٹیں گنوانے کے بعد ایسا لگ رہا تھا کہ محمد رضوان اور آغا سلمان کچھ دیر محتاط انداز میں بیٹنگ کریں گے لیکن بین سیئرز نے ایک ہی اوور میں دونوں کو آؤٹ کر دیا۔ سیئرز نے 12ویں اوور کی پہلی گیند پر آغا سلمان (9) اور اسی اوور کی چوتھی گیند پر رضوان کی وکٹ حاصل کی۔ رضوان نے 27 گیندوں پر 5 رنز بنائے۔ پاکستان کی چھٹی وکٹ 65 کے اسکور پر گری جب طیب طاہر (13) ناتھن اسمتھ کے ہاتھوں کیچ ہوئے۔
فہیم اشرف اور نسیم شاہ نے نصف سنچریاں سکور کیں۔
ساتویں وکٹ 72 رنز پر گرنے کے بعد کسی کو یقین نہیں تھا کہ پاکستان 150 تک بھی پہنچ سکتا ہے لیکن فہیم اشرف کی 73 رنز کی اننگز نے ٹیم کو بڑی شکست سے بچا لیا۔ اشرف نے اپنے ون ڈے کیریئر کی پہلی نصف سنچری بنائی۔ انہوں نے 80 گیندوں پر 73 رنز کی اننگز کھیلی جس میں 3 چھکے اور 6 چوکے شامل تھے۔
دسویں نمبر پر آنے والے بولر نسیم شاہ کی کارکردگی نے پاکستان کے ٹاپ بلے بازوں کو شرمندہ کر دیا۔ انہوں نے اپنی پہلی بین الاقوامی نصف سنچری بھی بنائی۔ نسیم نے 44 گیندوں پر 4 چھکوں اور اتنے ہی چوکوں کی مدد سے 51 رنز بنائے۔ جبکہ اگر ہم پاکستان کے ٹاپ 6 بلے بازوں کے مجموعی اسکور کو شامل کریں تو یہ 32 رنز بنتا ہے۔
بین سیئرز نے 5 بڑی وکٹیں حاصل کیں۔ اس نے پاکستان کے مڈل آرڈر کو مکمل طور پر تباہ کر دیا۔ اپنے 9.2 اوورز کے اسپیل میں انہوں نے 59 رنز دیے اور 5 وکٹیں حاصل کیں۔ جبکہ پاکستان کے ٹاپ آرڈر کو ناکام بنانے والے جیکب ڈفی نے 8 اوورز کے اسپیل میں 35 رنز دے کر 3 وکٹیں حاصل کیں۔
نیوزی لینڈ نے پہلے بیٹنگ کرتے ہوئے 292 رنز بنائے
اس سے قبل نیوزی لینڈ نے پہلے بیٹنگ کرتے ہوئے 292 رنز بنائے تھے۔ تاہم تیز شروعات کے بعد نیوزی لینڈ کی کرکٹ ٹیم بھی لڑکھڑا گئی۔ 132 رنز پر 5 وکٹیں گنوانے کے بعد میزبان ٹیم بھی مشکل میں پڑ گئی۔ اس کے بعد محمد عباس (41) اور مچل ہی (99) نے شاندار اننگز کھیل کر ٹیم کو 292 تک پہنچا دیا۔ 78 گیندوں کی اس اننگز میں مچل نے 7 چھکے اور 7 چوکے لگائے۔ انہیں میچ کا بہترین کھلاڑی قرار دیا گیا۔
