بھارت کا ایشیئن چیمپئنز ٹرافی پر مسلسل دوسری مرتبہ قبضہ، فائنل میں چین کو دی شکست - Asian Hockey Champions Trophy Final

ایشین ہاکی چیمپئنز ٹرافی کا فائنل میچ منگل کو بھارتی مردوں کی ہاکی ٹیم اور چین کے درمیان کھیلا گیا۔ اس دلچسپ مقابلے میں بھارت نے چین کو 1-0 سے شکست دے کر مسلسل دوسری بار اس ٹرافی پر قبضہ کیا ہے۔ قابل ذکر بات یہ ہے کہ یہ چین کے لیے اب تک کا بہترین ٹورنامنٹ تھا کیونکہ وہ پہلی بار ٹورنامنٹ کے فائنل میں پہنچی تھی۔

بیجنگ: بھارتی ہاکی ٹیم نے ایشین ہاکی چیمپئنز ٹرافی میں اپنا تسلط برقرار رکھتے ہوئے فائنل میں چین کو 0-1 سے شکست دے دی۔ اس فتح کے ساتھ بھارت نے ٹورنامنٹ کی تاریخ میں پانچویں بار خطاب اپنے نام کرنے میں کامیاب رہا۔ اس کے علاوہ، وہ ٹورنامنٹ میں واحد ناقابل شکست ٹیم تھی جس نے اپنے کھیلے گئے تمام سات میچوں میں جیت درج کی۔

شاندار کارکردگی کا مظاہرہ کرتے ہوئے میزبان چین پہلی بار ٹائٹل جیتنے میں ناکام رہا۔ میچ کا واحد گول بھارت کے جوگراج سنگھ نے 51ویں منٹ میں کیا۔ اس گول کی مدد سے بھارت مسلسل دوسری بار ایشین چیمپئن بن گیا۔

Congratulations to the Indian Men's Hockey Team on clinching their record-breaking 5th Asian Champions Trophy title! 🏆🏑

With a hard-fought 1-0 victory over China, India have not only retained their crown from 2023 but also solidified their position as the most successful team… pic.twitter.com/akCC5N6kGv

— Hockey India (@TheHockeyIndia) September 17, 2024

دونوں ٹیموں نے شاندار کھیل کا مظاہرہ کیا۔ بھارت کے لیے گول کرنے کا پہلا موقع نویں منٹ میں آیا لیکن چینی ڈیفینڈر اسے بچانے میں کامیاب ہوگئے۔ اس کے بعد بھارت کو ایک اور موقع ملا تو ہرمن پریت گول کرنے سے چوک گئے۔

چین پہلے کوارٹر میں زیادہ مضبوط نظر آیا کیونکہ اس نے کئی بار بھارتی گول کیپر کرشن پاٹھک کو چکما دینے میں کامیاب رہے لیکن گول کرنے میں کامیاب نہیں ہوسکے۔ پہلی بار فائنل کھیلنے والوں نے تیسرے کوارٹر میں دو گول کے مواقع پیدا کیے لیکن بھارتی ٹیم نے انہیں روک دیا۔ بالآخر 51 ویں منٹ میں جوگراج نے ایک گول کرکے بھارت کو شاندار جیت دلا دی۔

یہ بھارت کا ریکارڈ توڑ پانچواں ٹائٹل تھا کیونکہ اس نے اس سے قبل 2011، 2016 اور 2023 میں ٹورنامنٹ جیتا تھا۔ جبکہ 2018 میں پاکستان کے ساتھ مشترکہ فاتح تھا۔ پاکستان تین بار ٹورنامنٹ جیت چکا ہے جبکہ جنوبی کوریا نے 2021 میں ٹائٹل جیتا تھا۔