جموں: انڈین ریلوے جلد ہی جموں سے سری نگر وندے بھارت ایکسپریس ٹرین کے لیے ٹکٹوں کی بکنگ کا عمل شروع کرنے جا رہی ہے۔ یہ نئی سیمی ہائی اسپیڈ ٹرین شری ماتا ویشنو دیوی کٹرا اور سری نگر کے درمیان چلے گی۔ ٹرین کا انتظام اور آپریشن ناردن ریلوے زون کے تحت ہوگا۔ یہ ٹرین مسافروں میں زبردست جوش و خروش پیدا کر رہی ہے، اور لوگ اس کے باضابطہ آغاز کا شدت سے انتظار کر رہے ہیں۔
بہت سے مسافر اس سروس کے جلد از جلد شروع ہونے کا مطالبہ کر رہے ہیں۔ مرکزی وزیر ڈاکٹر جتیندر سنگھ کے مطابق اس نئی ٹرین کو وزیر اعظم نریندر مودی 19 اپریل کو ہری جھنڈی دکھا کر روانہ کریں گے۔ جو مسافر وندے بھارت ٹرین میں کٹرا سے سری نگر کا سفر کرنا چاہتے ہیں، وہ اپنے ٹکٹ آن لائن اور آف لائن دونوں طریقوں سے خرید سکتے ہیں۔ جموں سے سری نگر وندے بھارت ٹرین میں 01 ایگزیکٹو کلاس اور 07 اے سی چیئر کارز شامل ہوں گی، اور اس میں مجموعی طور پر 530 مسافروں کے بیٹھنے کی گنجائش ہوگی۔ کٹرا سے سری نگر وندے بھارت ایکسپریس ٹرین کے کرائے کا باضابطہ اعلان ابھی تک نہیں ہوا ہے۔
اس وندے بھارت ایکسپریس، جو ایک نیم تیز رفتار ٹرین ہے، 19 اپریل سے اپنی سروس کا آغاز کرے گی اور کشمیر وادی میں سفری سہولتوں میں انقلابی تبدیلی لائے گی۔ یہ منصوبہ انڈین ریلوے کے بنیادی ڈھانچے کو بہتر بنانے کی کوششوں کا حصہ ہے، جس کا مقصد سفر کے دورانیے کو کم سے کم کرنا ہے۔ یہ جدید ٹرین اُدھم پور-سری نگر-بارہ مولا ریلوے لنک (USBRL) منصوبے کے تحت چلائی جائے گی
جس کا مقصد وادی کشمیر کو ملک کے ریلوے نیٹ ورک سے جوڑنا اور خطے میں سفری سہولتوں کو مزید مستحکم کرنا ہے۔ کٹرا سے سری نگر تک وندے بھارت ایکسپریس 18 اہم اسٹیشنز پر رُکے گی، جو کہ مقامی مسافروں کے لیے سفری سہولتوں میں اضافہ کرے گا۔ ان اسٹیشنز میں شامل ہیں:
ریاسی،بکل، ڈُگگا، سوالکوٹ ،سنگلدان ، سمبر ،کھاری،بانہال ،شاہ آباد ہِل ہالٹ ، قاضی گنڈ ،سادُورا ،اننت ناگ ،بیج بہارا،پزگام ،اونتی پورہ، رتن پورہ ،کاکا پورہ ،پانپور سرینگر۔
وندے بھارت ایکسپریس کا آغاز وادی کشمیر کے لیے ایک اہم سنگ میل ثابت ہوگا، جو نہ صرف سفری سہولتوں میں بہتری لائے گا بلکہ علاقائی ترقی میں بھی معاون ہوگا شروعات میں وندے بھارت ایکسپریس، شری ماتا ویشنو دیوی کٹرا اور سری نگر کے درمیان چلے گی، اور بعد ازاں اس کا دائرہ کار جموں تاوی ریلوے اسٹیشن تک بڑھایا جائے گا۔ پہلے یہ سفر سڑک کے ذریعے تقریباً 6 سے 7 گھنٹے میں طے ہوتا تھا، مگر اب یہ سفر صرف 3 گھنٹے میں مکمل ہو سکے گا۔
مزید پڑھیں: کٹرہ اور سری نگر کے درمیان ریل سروس شروع کرنے کا مجوزہ پروگرام فی الحال ملتوی
وندے بھارت ایکسپریس میں کل 530 مسافروں کی گنجائش ہوگی، جس میں ایک ایگزیکٹو کلاس، سات اے سی چیئر کارز سمیت آٹھ کوچز شامل ہوں گے، تاکہ ہر مسافر کو آرام دہ اور آسان سفری سہولت فراہم کی جا سکے۔
