ترال : ڈائریکٹر جنرل آف پولیس (ڈی جی پی) جموں و کشمیر، نلین پربھات، آئی پی ایس، نے جنوبی کشمیر رینج کے ایک جامع دو روزہ دورے کا اختتام کیا۔ اس دورے کا مقصد جنوبی کشمیر رینج میں پولیس اور سیکورٹی فورسز کی آپریشنل تیاریوں کا جائزہ لینا تھا۔ اس میں پلوامہ، شوپیاں، کولگام اور اونتی پورہ اضلاع کا انفرادی آپریشنل جائزہ بھی شامل تھا۔
دورے کے دوران، ڈی جی پی نے ایس ایس پی اونتی پورہ سجاد احمد کے ہمراہ فارورڈ آپریشنل بیس اور ترال میں اسپیشل آپریشن گروپ (SOG) کیمپ کا بھی دورہ کیا۔ دورے کے دوران زمینی سطح پر سیکیورٹی کی تیاریوں کا جائزہ لینے کا موقع فراہم کیا۔
پولیس کے ایک ترجمان نے بتایا کہ دورے کے دوران پولیس کے ڈائریکٹر جنرل (ڈی جی پی) نے اریپال میں فارورڈ آپریشنل بیس اور پلوامہ ضلع کے ترال میں اسپیشل آپریشن گروپ (ایس او جی) کیمپ کا دورہ کیا۔
یہ بھی پڑھیں: ڈی جی پی نے کٹھوعہ-ڈوڈا سرحد کی چوکیوں پر سیکورٹی تیاریوں کا جائزہ لیا - REVIEWS SECURITY PREPAREDNESS
ڈی جی پی کی توجہ موجودہ سیکیورٹی گرڈ کو مضبوط بنانے، مختلف سیکیورٹی ایجنسیوں کے درمیان ہم آہنگی کو یقینی بنانے اور خطے میں انسداد دہشت گردی کی کوششوں کو تقویت دینے پر مرکوز رہی۔ انہوں نے امن و امان کو برقرار رکھنے کے لیے فعال اقدامات اور عوام کے ساتھ بہتر رابطے کی اپیل کی۔
