سرینگر (پرویز الدین) : نیشنل کانفرنس کے سینئر رہنما اور رکن اسمبلی تنویر صادق کا کہنا ہے کہ ان کی پارٹی کو کسی فرد سے نہیں بلکہ بی جے پی کی پالیسیوں سے اختلاف ہے۔ انہوں نے کہا کہ گزشتہ روز باغ گل لالہ میں مرکزی وزیر کرن رجیجو اور عمر عبدللہ کے درمیان ملاقات اتفاق سے ہوئی وہ کوئی طے شدہ پروگرام نہیں تھا۔
A refreshing morning walk amid the vibrant hues of the Tulip Garden in Srinagar, Jammu & Kashmir, with Hon’ble CM Shri @OmarAbdullah ji and also glad to meet Dr Farooq Abdullah sahab.
— Kiren Rijiju (@KirenRijiju) April 7, 2025
Nature at its finest & conversations filled with warmth & vision, a truly special morning. pic.twitter.com/2c5S8ygVM3
عمر عبدللہ اور کرن تجیجو کے مابین سرینگر کے باغ گل لالہ کی سیر کے بارے میں پوچھے جانے والے ایک سوال کے جواب میں تنویر صادق نے کہا کہ یہ پی ڈی پی اور سجاد لون بڑھا چڑھا کر پیش کرنے کی کوشش کررہے ہیں۔ ان کے پاس کوئی ایشو ہی نہیں لہذا اب ایسی غیر متعلق باتیں کررہے ہیں۔
انہوں نے مزید کہا کہ عمر عبداللہ اپنے والد ڈاکٹر فاروق عبدللہ کے ساتھ باغ گل لالہ میں تھے۔ اس دوران وہاں مرکزی وزیر کرن رجیجو بھی پہنچ گئے اور دونوں کے درمیان ملاقات ہوئی۔ یہ ملاقات کوئی طے شدہ پروگرام نہیں تھا۔
یہ بھی پڑھیں: وقف ایکٹ تنازعہ کے بیچ عمر عبداللہ کی کرن رجیجو سے ملاقات پر اپوزیشن برہم - OMAR ABDULLAH KIREN RIJIJU
رکن اسمبلی تنویر صادق نے کہا کہ ہم کسی فرد کے خلاف نہیں ہے بلکہ بی جے پی کی غلط پالیسیوں کے خلاف ہے۔ ہم نے آج اسمبلی میں تحریک پیش کی۔ ہم چاہتے ہیں کہ اسمبلی میں زرعی قوانیں، جی ایس ٹی، این آر سی، دفعہ 370 پر بات ہو۔ ہم۔چاہتے ہیں کہ اسپیکر وقف ترمیمی بل پر بات کرنے اجازت دے۔
