سرینگر (نیوز ڈیسک) : جموں و کشمیر کے سابق گورنر ستیہ پال ملک کو شدید علالت کے باعث دہلی کے رام منوہر لوہیا اسپتال میں داخل کرایا گیا ہے۔ ان کی حالت نازک بتائی جا رہی ہے۔ سابق گورنر نے جمعرات کو سوشل میڈیا پلیٹ فارم ’’ایکس‘‘ پر پیغام دیتے ہوئے کہا: ’’مجھے کئی خیر خواہوں کی کالز موصول ہو رہی ہیں، لیکن میں جواب دینے کا متحمل نہیں ہوں۔ میری حالت اس وقت بہت نازک ہے اور میں کسی سے بات کرنے کی حالت میں نہیں ہوں۔‘‘
नमस्कार साथियों।
— Satyapal Malik (@SatyapalMalik6) May 22, 2025
मेरे बहुत से शुभचिंतकों के फ़ोन आ रहे हैं जिन्हें उठाने में मैं असमर्थ हूं।अभी मेरी हालत बहुत खराब है मैं किसी से भी बात करने की हालत में नहीं हूं। 11 मई से राम मनोहर लोहिया अस्पताल में भर्ती हू। संक्रमण की शिकायत के चलते अस्पताल में भर्ती किया गया था। अब… pic.twitter.com/yTWGxuHkyC
قابل ذکر ہے کہ سابق گورنر کی طبیعت خراب ہونے کی اطلاع ایک ایسے وقت میں سامنے آئی ہے جب مرکزی تفتیشی بیورو (سی بی آئی) نے ان کے خلاف کرپشن کیس میں چارج شیٹ داخل کی ہے۔ سی بی آئی نے ستیہ پال ملک سمیت چھ افراد کو 2200 کروڑ روپے مالیت کے کرو پن بجلی منصوبے کے سول ورک کے غیر قانونی ٹھیکوں سے متعلق بدعنوانی کیس میں نامزد کیا ہے۔
جموں کشمیر کی خصوصی آئینی حیثیت دفعہ 370اور 35اے کی منسوخی کے وقت یہاں ستیہ پال ملک گورنر تعینات تھے۔ ملک کو جموں کشمیر کے بعد میگھالیہ کا گورنر مقرر کیا گیا اور جموں کشمیر کے دور میں معروف ’’فیکس مشین خراب‘‘ ہونے والے معاملے پر سرخیوں میں رہنے والے ملک گزشتہ برسوں کے دوران بھارتیہ جنتا پارٹی خاص کر وزیر اعظم نریندر مودی کے خلاف کئی بے باک بیانات دئے جن میں انہوں نے سنگین الزامات عائد کئے۔
یہ بھی پڑھیں:
