نادر ترال میں انکاؤنٹر، تین دہشت گرد ہلاک، انسپکٹر جنرل آف پولیس ودھی کمار بردی نے لیا جائزہ

جموں اور کشمیر کے ضلع اونتی پورہ کے علاقے نادر ترال میں انکاؤنٹر جاری ہے۔ پولیس نے کہا ہے کہ تین دہشت گرد ہلاک کر دیے گئے ہیں۔

ترال، اونتی پورہ (شبیر بھٹ): جموں اور کشمیر کے ضلع اونتی پورہ کے ترال علاقے کے نادر میں انکاؤنٹر شروع ہوا ہے۔ پولیس اور سکیورٹی فورسز کام میں مصروف ہیں۔ پولیس کی جانب سے بتایا گیا ہے کہ جنوبی کشمیر کے ترال علاقے میں جمعرات کو دہشت گردوں اور سکیورٹی فورسز کے درمیان تصادم شروع ہوا۔

اسی درمیان انسپکٹر جنرل آف پولیس ودھی کمار بردی مقام واقعہ پہنچے ہیں۔ جموں و کشمیر پولیس کے کشمیر زون کے انسپکٹر جنرل آف پولیس (آئی جی پی) ودھی کمار بردی، ایک آئی پی ایس افسر ہیں۔ وہ آئی جی پی آرمڈ کشمیر کا اضافی چارج بھی سنبھالے ہوئے ہیں ابھی نادر ترال میں انکاؤنٹر کے مقام پر پہنچے ہیں۔ جہاں صبح سے عسکریت پسندوں اور فورسز کے درمیان تصادم جاری ہے۔

انہوں نے مزید بتایا کہ اڑتالیس گھنٹوں کے اندر چھ دہشت گردوں کو مار گرایا گیا ہے جو کہ سکیورٹی ایجینسیوں کے لیے ایک بڑی کامیابی ہے۔

قبل ازیں ملی اطلاع ملی تھی کہ نادر ترال میں جھڑپ جاری ہے۔ بتایا گیا تھا کہ یہاں تین مقامی دہشت گرد چھپے ہیں، جن کا تعلق جیش محمد سے بتایا جاتا ہے۔ مزید بتایا جا رہا ہے کہ ایک ملیٹینٹ مارا گیا ہے۔ لیکن ابھی اس کی سرکاری تصدیق ہونا باقی ہے۔

Chinar Corps of the Indian Army tweets, " on 15 may 2025, based on specific intelligence input from int agency, a cordon & search operation was launched by indian army, j&k police and srinagar sector crpf at nader, tral, awantipora. suspicious activity was observed by vigilant… pic.twitter.com/trKQPgNkhN

— ANI (@ANI) May 15, 2025

انکاؤنٹر کے متعلق ہندوستانی فوج کی چنار کور نے ٹویٹ کیا، "15 مئی 2025 کو، انٹر ایجنسی کے مخصوص انٹیلی جنس ان پٹ کی بنیاد پر، ہندوستانی فوج، جموں و کشمیر پولیس اور سری نگر سیکٹر سی آر پی ایف کی جانب سے نادر، ترال، اونتی پورہ میں ایک محاصرہ اور تلاشی آپریشن شروع کیا گیا تھا۔ چوکس دستوں کے ذریعہ مشکوک سرگرمی دیکھی گئی، دہشت گردوں کی طرف سے کھلی فائرنگ اور گولہ باری کا سامنا کرنا پڑا۔ آپریشن جاری ہے۔"

J&K | Encounter has started at Nader, Tral area of Awantipora. Police and security forces are on the job. Further details shall follow. pic.twitter.com/ZICOdoXcbX

— ANI (@ANI) May 15, 2025

ایک اعلیٰ پولیس افسر نے بتایا کہ پولیس اور سکیورٹی فورسز کی ایک ٹیم نے ایک معتبر اطلاع پر ترال میں محاصرے اور تلاشی کی کارروائی شروع کی۔ افسر نے مزید کہا کہ جیسے ہی مشترکہ ٹیم مشتبہ علاقے کے قریب پہنچی، چھپے ہوئے دہشت گردوں نے مشترکہ پارٹی پر فائرنگ کردی، جس کے نتیجے میں ایک تصادم شروع ہوگیا۔

یہ اطلاع ملنے تک وقفے وقفے سے فائرنگ کا تبادلہ جاری تھا۔ قابل ذکر بات یہ ہے کہ منگل کو لشکر طیبہ کے آپریشنل کمانڈر شاہد کٹے دو دیگر دہشت گردوں کے ساتھ شوپیاں میں سکیورٹی فورسز کے ساتھ گولی باری میں مارے گئے۔

واضح رہے کہ ایک روز قبل ہی جنوبی کشمیر کے شوپیان ضلع کے شکرو، کیلر علاقے میں منگل کی صبح دہشت گرد اور سکیورٹی فورسز کے درمیان تصادم میں تین دہشت گردوں کو ہلاک کر دیا گیا تھا، پولیس کے ایک سینئر اہلکار نے بتایا تھا کہ سکیورٹی فورسز کو مذکورہ علاقے میں کچھ دہشت گردوں کی موجودگی کی مصدقہ اطلاع ملی تھی، جس کے بعد جموں و کشمیر پولیس، سی آر پی ایف اور فوج نے مشترکہ طور پر تلاشی مہم شروع کی تھی۔