جموں و کشمیر: 7200 میول بینک کھاتوں کا پردہ فاش، 21 لوگ سلاخوں کے پیچھے

سرینگر: جموں و کشمیر کے مرکزی علاقے میں پولیس نے میول بینک کھاتہ داروں کے خلاف سخت کارروائی شروع کردی ہے، جس کے تحت پولیس نے ایسے 7200 اکاؤنٹس کا پتہ لگایا ہے جن میں سائبر جعلسازوں نے لوٹی گئی رقم منتقل کی ہے۔ آپریشن میں سری نگر میں اب تک 21 افراد کو گرفتار کیا گیا ہے۔ سرینگر کے ایس ایس پی نے اس سلسلے میں جانکاری دی ہے۔

ایک میول اکاؤنٹ ایک بینک اکاؤنٹ ہے جسے سائبر مجرم سائبر فراڈ کے ذریعے لوٹی گئی رقم کو نکالنے کے لیے استعمال کرتے ہیں۔ سائبر فراڈ کرنے والے لوگوں کو بینک اکاؤنٹس کھولنے کا لالچ دیتے ہیں، جو کہ مختصر مدت کے لیے متحرک رہتے ہیں۔ جعلساز جعلی رقم کو اس اکاؤنٹ میں اور پھر دوسرے اکاؤنٹس کے نیٹ ورک میں منتقل کرتے ہیں۔ کشمیر پولیس نے کہا کہ سائبر فراڈ کرنے والے عام لوگوں کو بینک کھاتہ کھولنے کے کمیشن کا وعدہ کرکے پھنساتے ہیں۔

سرینگر کے ایس ایس پی امتیاز حسین نے ایک پریس کانفرنس میں کہا کہ یہ بہت بڑا نیٹ ورک ہے۔ اس سال جنوری سے اب تک جموں و کشمیر میں 7200 میول بینک اکاؤنٹس کھولے گئے ہیں۔ یہ تعداد اس سے بھی زیادہ ہو سکتی ہے۔ ہم اس جرم کی تحقیقات کر رہے ہیں۔ انہوں نے کہا کہ پولیس نے میول بینک اکاؤنٹس کھولنے کے معاملے میں چار ایف آئی آر درج کی ہیں اور گرفتار افراد کو جیل بھیج دیا گیا ہے۔

مزید پڑھیں:ضروری اطلاع! اپریل میں چھٹیاں ہی چھٹیاں، 12 دن بند رہیں گے بینک، اپنے اہم کام کو جلدی سے نپٹالیں، چھٹیوں کی فہرست کرلیں نوٹ

ایس ایس پی امتیاز حسین نے کہا کہ سری نگر اور دیگر علاقے اہم مراکز ہیں۔ انہوں نے کہا کہ میول بینک اکاؤنٹ کھولنا جرم ہے، جو لوگ میول بینک اکاؤنٹ کھولتے ہیں وہ پیسے کمانے کے لیے اپنی رضامندی سے ایسے اکاؤنٹ بناتے ہیں۔ ایس ایس پی نے خبردار کیا ہے کہ اس میں ملوث تمام افراد کو گرفتار کرکے ان کے خلاف قانونی کارروائی کی جائے گی۔