بوسٹن: کانگریس کے سینئر رہنما اور لوک سبھا میں قائد حزب اختلاف راہل گاندھی نے بوسٹن میں ہندوستانی تارکین وطن سے خطاب کرتے ہوئے الزام لگایا کہ ہندوستان میں الیکشن کمیشن (EC) سے "سمجھوتہ" کیا گیا ہے۔ ان کا مزید کہنا تھا کہ سسٹم میں بہت کچھ گڑبڑ ہے۔
مہاراشٹر کے انتخابات کی مثال دیتے ہوئے کانگریس کے سینئر لیڈر نے کہا کہ دو گھنٹے میں ووٹر لسٹ میں 65 لاکھ ووٹروں کے نام شامل کیے گئے جو کہ ناممکن تھا۔ خطاب کرتے ہوئے انہوں نے کہا کہ مہاراشٹر میں لوگوں کی کل تعداد سے زیادہ لوگوں نے ووٹ دیا اور یہ ایک حقیقت ہے۔ الیکشن کمیشن نے شام ساڑھے پانچ بجے ہمیں اعداد و شمار دیے اور دو گھنٹے کے اندر یعنی شام ساڑھے سات بجے تک 65 لاکھ ووٹرز ووٹ ڈال چکے تھے جو کہ ناممکن ہے۔ ان کا مزید کہنا تھا کہ 'یہ بات ہمارے لیے بالکل واضح ہے کہ الیکشن کمیشن نے سازباز کیا۔ سسٹم کے ساتھ چھیڑ چھاڑ کی جارہی ہے۔
HUGE BREAKING 🚨
— Ankit Mayank (@mr_mayank) April 21, 2025
LoP Rahul Gandhi exposed massive rigging in Maharashtra polls in USA
“65 lakhs extra votes were added after 5:30 PM in Maharashtra, which is statically impossible”
This will búrn BJP IT cell, time to work overtime now 😂🔥 pic.twitter.com/4GbUNFRr4j
اس سے قبل الیکشن کمیشن نے کہا تھا کہ سیاسی جماعتوں کی جانب سے لگائے گئے ووٹر لسٹ میں ہیرا پھیری کے الزامات بے بنیاد ہیں۔ دریں اثنا، بوسٹن میں تارکین وطن کمیونٹی سے خطاب کرتے ہوئے راہل گاندھی نے ہندوستان-امریکہ تعلقات کے بارے میں بھی بات کی اور امید ظاہر کی کہ دونوں ممالک مل کر کام کرتے رہیں گے۔
راہل گاندھی نے کہا ہماری امریکہ کے ساتھ شراکت داری ہے اور امید ہے کہ ہم مل کر کام کرتے رہیں گے۔' انہوں نے کانگریس کے نظریات اور پرچم کو امریکہ لے جانے پر عوام کا شکریہ ادا کیا۔
راہل گاندھی نے کہا کہ آپ بھروسہ کرتے ہیں، آپ دوسرے لوگوں کی بات سنتے ہیں اور ان کا احترام کرتے ہیں۔ کانگریس پارٹی اور ہمارے خاندان میں ایسا ہی ہوتا ہے۔ جھنڈا یہاں لے کر چلنے کے لیے شکریہ، یہ بہت مشکل کام ہے۔ انہوں نے کہا کہ لوک سبھا میں قائد حزب اختلاف اپنے دورہ امریکہ کے ایک حصے کے طور پر پیر کو براؤن یونیورسٹی سے بھی خطاب کریں گے۔
