ممبئی: مسلسل تیسرے دن سونے کی قیمت میں کمی دیکھی گئی ہے۔ گزشتہ ہفتے 96000 کا ہندسہ عبور کرتے ہوئے سونا ایک تاریخی بلندی پر تھا۔ اندازہ لگایا جا رہا تھا کہ امریکہ اور چین کے بیچ جاری تجارتی جنگ سونے کی قیمت کو سوا لاکھ روپے فی دس گرام تک لے جائے گی۔
16 اپریل کو بلین مارکیٹ میں سونے کی قیمت میں تقریباً 300 روپے کی کمی ہوئی ہے۔ ملک کے بیشتر شہروں میں سونا 95 ہزار 200 روپے کے قریب ٹریڈ کر رہا ہے۔ دوسری جانب چاندی کی قیمت 99,700 روپے فی کلو ہے۔ یعنی چاندی کی قیمت میں تقریباً 100 روپے کی کمی آئی ہے۔
دہلی کی بات کریں تو یہاں 22 کیرٹ سونے کی قیمت 87340 روپے فی دس گرام اور 24 کیرٹ سونے کی قیمت 95320 فی دس گرام ہے۔ وہیں ممبئی میں 22 کیرٹ سونے کی قیمت 87190 روپے اور 24 کیرٹ سونے کی قیمت 95170 فی 10 گرام ہے۔
سونے کی قیمتوں میں کمی کی کیا وجوہات ہیں:
امریکہ اور چین کے درمیان بڑھتی ہوئی تجارتی کشیدگی اور ٹیرف کی وجہ سے سونے کی قیمتوں میں اتار چڑھاؤ کا سلسلہ جاری ہے۔ چونکہ بین الاقوامی مارکیٹ میں سونا مہنگا ہوگیا ہے جس کی وجہ سے بھارت میں بھی اس کی قیمتوں میں اضافہ ہوا ہے۔ ماہرین کا خیال ہے کہ اگر سونے کی قیمت گرتی ہے تو اگلے 6 ماہ میں یہ 75 ہزار روپے تک گر سکتی ہے۔ ساتھ ہی، اگر ٹیرف وار مزید بڑھتا ہے تو سونا 1,38,000 روپے تک پہنچ سکتا ہے۔
یہاں جانیں بڑے شہروں میں سونے کی قیمت:
| شہر کا نام | 22 کیرٹ سونے کی قیمت | 24 کیرٹ سونے کی قیمت |
| دہلی | 87,340 روپے | 95,320 روپے |
| چنئی | 87,190 روپے | 95,170 روپے |
| ممبئی | 87,190 روپے | 95,170 روپے |
| کولکاتا | 85,190 روپے | 95,170 روپے |
| جے پور | 87,340 روپے | 95,320 روپے |
| نوئیڈا | 87,340 روپے | 95,320 روپے |
| غازی آباد | 87,340 روپے | 95,320 روپے |
| لکھنؤ | 87,340 روپے | 95,320 روپے |
| بنگلورو | 87,190 روپے | 95,170 روپے |
| پٹنہ | 87,190 روپے | 95,170 روپے |
یہ بھی پڑھیں:
