ممبئی: گزشتہ ہفتے، سونا اب تک کی بلند ترین سطح پر پہنچنے کے بعد اچانک نیچے آگیا ہے۔ گزشتہ ہفتے فی دس گرام سونے کی قیمت 96,000 روپے کو عبور کر گئی تھی۔ ماہرین کے مطابق عالمی کساد بازاری کا خدشہ بڑھتا جا رہا ہے اور اسی وجہ سے سونے کی قیمت ایک بار پھر گرنا شروع ہو گئی ہے۔ ملک میں 24 کیرٹ سونے کی قیمت 9,551 روپے فی گرام ہے۔ جبکہ 13 اپریل کو یہ قیمت 9,567 روپے فی گرام تھی۔ تجارتی تناؤ، شرح سود کے خدشات، مارکیٹ میں اتار چڑھاؤ اور سرمایہ کاروں کی فروخت نے عالمی سطح پر سونے کی مانگ کو متاثر کیا ہے۔
24 گھنٹے سے بھی کم وقت میں سونا اپنی بلند ترین سطح سے نیچے آ گیا، بنگلہ دیش جیولرز ایسوسی ایشن (باجوس) نے ملک میں 22 کیرٹ سونے کی قیمت میں 1,038 روپے فی بھوری (11.664 گرام) کی کمی کا فیصلہ کیا۔ بنگلہ دیش جیولرز ایسوسی ایشن پریس ریلیز میں اس کمی کی وجہ بتاتے ہوے کہا گیا کہ، بین الاقوامی مارکیٹ میں ریفائنڈ سونے کی قیمت میں کمی اور مقامی مارکیٹ کی مجموعی صورتحال کو مدنظر رکھتے ہوئے نئی قیمت کا تعین کیا گیا ہے۔
مختلف شہروں میں سونے کی قیمتوں پر ایک نظر:
| شہر | 24 کیرٹ سونے کی قیمت (فی گرام) | 22 کیرٹ سونے کی قیمت (فی گرام) |
| دہلی | 9,566 روپے | 8,770 روپے |
| ممبئی | 9,551 روپے | 8,755 روپے |
| چینئی | 9,551 روپے | 8,755 روپے |
| بنگلورو | 9,551 روپے | 8,755 روپے |
| حیدرآباد | 9,551 روپے | 8,755 روپے |
2025 میں اب تک سونے کی قیمت 21 مرتبہ تبدیل ہو ئی:
5 اپریل کو بازار میں 22 کیرٹ سونے کی قیمت 4,187 روپے اضافے سے 1,63,214 روپے فی بھوری (11.664 گرام) ہوگئی تھی، جو ملک کی تاریخ میں اب تک کی بلند ترین سطح تھی۔ آپ کو جان کر تعجب ہوگا کہ صرف گزشتہ چار مہینوں یعنی 2025 میں اب تک سونے کی قیمت میں 21 بار تبدیلی کی جا چکی ہے۔ اس دوران سونے کی قیمتوں میں 15 گنا اضافہ اور چھ گنا کمی ہوئی ہے۔ اس کے ساتھ ہی 2024 میں سونے کی قیمتوں میں 35 گنا اضافہ اور 27 گنا کمی کے ساتھ 62 بار تبدیلی دیکھی گئی تھی۔
یہ بھی پڑھیں:
