نئی دہلی: پارلیمنٹ کے لوک سبھا میں وقف ترمیمی بل 2024 منظور کر لیا گیا۔ حکمراں این ڈی اے نے وقف (ترمیمی) بل کو بدھ اور جمعرات کی درمیانی رات لوک سبھا میں تقریباً 12 گھنٹے پہلے شروع ہونے والی میراتھن بحث کے بعد واضح اکثریت کے ساتھ پاس کرنے میں کامیاب ہوا۔
اسپیکر اوم برلا نے بل کو منظور کرنے کے لیے صوتی ووٹ کا مطالبہ کیا اور جو ارکان اس کے حق میں تھے ان سے کہا کہ "ہاں" کہیں۔ حزب اختلاف نے ڈویژن ووٹ پر اصرار کیا، جہاں ممبران کو فراہم کردہ بٹنوں کے ذریعے اپنا ووٹ ڈالنے اور دستی طور پر اپنا ووٹ جمع کرانے کا اختیار تھا۔ اوم برلا نے بل کے حق میں 288 ووٹ اور مخالفت میں 232 ووٹوں کے طور پر نتائج کا اعلان کیا۔
#WATCH | The Waqf (Amendment) Bill passed in Lok Sabha; 288 votes in favour of the Bill, 232 votes against the Bill #WaqfAmendmentBill pic.twitter.com/BsXwV55OUr
— ANI (@ANI) April 2, 2025
پارلیمنٹ میں میراتھن بحث
اس سے پہلے کئی گھنٹوں تک پارلیمنٹ میں لمبی بحث جاری رہی۔ اپوزیشن کی جانب سے وقف بل کو سخت تنقید کا نشانہ بنایا گیا۔ اس معاملے پر حکمران بی جے پی کی زیرِ قیادت نیشنل ڈیموکریٹک الائنس (این ڈی اے) اور اپوزیشن کی انڈیا اتحاد کے بیچ اتفاق رائے نہیں ہو سکا۔ اخیر میں حتمی فیصلہ ایوان میں اکثریتی اعداد و شمار کی بنیاد پر کیا گیا۔
#WATCH | #WaqfAmendmentBill | Speaking in the Lok Sabha, Parliamentary Affairs Minister Kiren Rijiju says, " i want to thank all the leaders for keeping their views regarding the bill... some leaders are saying that the bill is unconstitutional, and i want to ask them how they… pic.twitter.com/IVI5hRfHlB
— ANI (@ANI) April 2, 2025
اس سے پہلے 2 اپریل 2025 بدھ کے روز لوک سبھا میں دس گھنٹوں سے زیادہ لمبی بحث چلتی رہی، مختلف ارکان پارلیمنٹ نے اپنی رائے کا اظہار کیا۔ اویسی سمیت اپوزیشن لیڈروں کی ترامیم مسترد کردی گئیں۔ آئیے جانتے ہیں کہ کس کس نے کیا کہا!
جے پی سی سربراہ جگدمبیکا پال کا خطاب
جے پی سی سربراہ جگدمبیکا پال نے اویسی کو وقف بل پر گھیرا۔ اویسی کے بولنے کے بعد وقف بل پر جے پی سی سربراہ اور رکن پارلیمنٹ جگدمبیکا پال نے بحث میں حصہ لیا۔ انہوں نے کہا کہ یہ بل کافی غور و خوض کے بعد لایا گیا ہے۔ انہوں نے یہ بھی کہا کہ اویسی نے وقف بل کو پھاڑ کر ایک غیر آئینی کام کیا۔
#WATCH | Delhi | Chairman of the JPC on Waqf and BJP MP Jagdambika Pal slams AIMIM Chief Asasuddin Owaisi for tearing the #WaqfAmendmentBill during his remarks in the ongoing debate in the Lok Sabha.
— ANI (@ANI) April 2, 2025
He says, " asasuddin owaisi calls the bill unconstitutional, but he has done the… pic.twitter.com/7F8p87A2Q2
اسد الدین اویسی نے وقف بل کی کی مخالفت
اسد الدین اویسی نے پارلیمنٹ میں وقف بل کی مخالفت کی۔ انہوں نے کہا کہ یہ آرٹیکل 25 اور 26 کی خلاف ورزی ہے۔ انہوں نے مزید کہا کہ وقف بل مسلمانوں کے ساتھ ناانصافی ہے۔ بل پر بحث کے دوران اسد الدین اویسی نے کہا کہ اس کا مقصد مسلمانوں کی تذلیل کرنا ہے۔ اس کے بعد انہوں نے کہا کہ میں گاندھی کی طرح وقف بل کو پھاڑ دوں گا۔ اویسی نے کہا، 'اگر آپ تاریخ پڑھیں تو جب افریقہ میں مہاتما گاندھی کے سامنے ایسا قانون پیش کیا گیا تو انہوں نے کہا کہ میں اسے نہیں مانتا۔ انہوں نے اس قانون کو پھاڑ دیا تو میں گاندھی کی طرح اس قانون کو پھاڑ دوں گا۔ یہ غیر آئینی ہے۔
" unconstitutional...": aimim chief asasuddin owaisi tears copy of waqf amendment bill
— ANI Digital (@ani_digital) April 2, 2025
read @ANI | Storyhttps://t.co/VTzE9hGwDe#AIMIM #AsasuddinOwaisi #KirenRijiju #PMModi #WaqfAmendmentBill pic.twitter.com/jXltqm9jfq
#WATCH | Delhi | AIMIM Chief Asasuddin Owaisi tears the copy of #WaqfAmendmentBill during his remarks in the ongoing debate in the Lok Sabha pic.twitter.com/9P4ZfZUDKE
— ANI (@ANI) April 2, 2025
پارلیمانی امور کے وزیر کرن رجیجو نے کیا کہا؟
اس سے کافی دیر قبل پارلیمانی امور کے وزیر کرن رجیجو نے اس بل کے سلسلے میں بی جے پی کے لوک سبھا وہپس کے ساتھ میٹنگ کی ہے۔ اس کے ساتھ ہی اس بل کی منظوری سے قبل سیاست بھی گرم ہو گئی ہے۔ وقف ترمیمی بل پر این ڈی اے کی اتحادی جے ڈی یو نے واضح طور پر کہا ہے کہ وہ وقف ترمیمی بل پر پارلیمنٹ میں موقف اختیار کرے گی، اس سے بل کی منظوری میں مشکلات پیدا ہوسکتی ہیں۔
مرکزی وزیر گری راج سنگھ نے کہا کہ اگر حکومت ہر بل پیش کرتی ہے تو وہ وقف بل بھی پیش کرے گی۔ کانگریس کو سمجھنا چاہیے کہ ایوان میں کوئی بھی بل ایسا نہیں آتا جو آئین کے خلاف ہو۔
وقف ترمیمی بل پر بحث کے لئے محض 8 گھنٹے کا وقت مقرر
بل کو آج وقفہ سوالات کے بعد غور اور منظوری کے لیے لوک سبھا میں پیش کیا جائے گا۔ اس پر آٹھ گھنٹے تک بحث ہوگی۔ تاہم اپوزیشن اس بل پر 12 گھنٹے تک بحث کا مطالبہ کر رہی تھی۔ پارلیمانی امور کے وزیر کرن رجیجو نے کہا ہے کہ بحث کے لیے آٹھ گھنٹے کا وقت مقرر کیا گیا ہے۔ اس وقت کو بڑھایا جا سکتا ہے لیکن ایوان کی رضامندی سے۔کرن رجیجو نے کہا کہ اب اگر کوئی واک آؤٹ کرتا ہے اور بحث سے بھاگنا چاہتا ہے تو ہم اسے نہیں روک سکتے۔ انہوں نے کہا کہ ہر پارٹی کو اپنا موقف پیش کرنے اور اظہار خیال کا موقع ملے گا۔
کانگریس نے کیا کہا؟
وقف ترمیمی بل پر کانگریس کے رکن پارلیمنٹ رجنی پاٹل نے کہا کہ اگر یہ ہمارے لیے سازگار طریقے سے لایا جاتا ہے تو ہم اس کا خیرمقدم کرتے ہیں۔ تاہم، اس میں ہمارے اراکین کی طرف سے جمع کرائی گئی تمام تبدیلیوں کو شامل کرنا ضروری ہے۔
The Waqf (Amendment) Bill is a weapon aimed at marginalising Muslims and usurping their personal laws and property rights.
— Rahul Gandhi (@RahulGandhi) April 2, 2025
This attack on the Constitution by the RSS, BJP and their allies is aimed at Muslims today but sets a precedent to target other communities in the future.…
کانگریس ایم پی رنجیت رنجن نے کہا کہ اس بل کو بحث کا حصہ بننے دیں اور اس میں بہت سی خامیاں ہیں۔ جب یہ جے پی سی میں گیا تو جو ترامیم ہونی چاہیے تھیں وہ نہیں ہوئیں۔ اس کے بجائے، مزید ترامیم کی گئیں اور یہ ملک کے کام کرنے کے طریقے کے مطابق نہیں ہے۔ جب اس پر بات ہوگی تب اس پر بات ہوگی... یہ ملک کے سیکولرازم کے لیے یقیناً ٹھیک نہیں ہے۔
سماج وادی پارٹی کا کیا کہنا ہے
وقف (ترمیمی) بل پر سماج وادی پارٹی کے صدر اکھلیش یادو نے کہا، "...بی جے پی ہر جگہ مداخلت کرنا چاہتی ہے اور ہر چیز کو کنٹرول کرنا چاہتی ہے... بی جے پی کسی کو کیا کہنے پر مجبور کر سکتی ہے اور کسی کو کیا کرنے پر مجبور کر سکتی ہے، یہ بی جے پی کا کمال ہے۔"
ایس پی ایم پی آنند بھدوریا نے کہا، "سماج وادی پارٹی اور ہمارے لیڈر اکھلیش یادو پہلے دن سے ہی وقف ترمیمی بل کو ایوان میں پیش کرنے کی مخالفت کر رہے تھے، ہماری مخالفت کی وجہ سے یہ بل جے پی سی کے حوالے کر دیا گیا، حالانکہ (جے پی سی میں) تمام اپوزیشن اراکین کی ترامیم اور تجاویز کو قبول نہیں کیا گیا تھا۔
ایم پی اقرا حسن نے کہا مسلمانوں کی فلاح و بہبود نہیں، شناخت کو مٹانے کی کوشش
سماج وادی پارٹی سے ممبر پارلیمنٹ اقرا حسن نے کہا ہے کہ اس بل سے مسلم خواتین کو کچھ نہیں مل رہا ہے، بی جے پی حکومت صرف مسلم خواتین کا نام لے کر میڈیا کے ذریعہ غلط فہمیاں پیدا کر رہی ہے۔ یہ بل مسلمانوں کی فلاح و بہبود کے لیے نہیں بلکہ ان کی شناخت کو مٹانے کے لیے ہے۔
اقرا حسن نے کہا کہ پہلے انہوں نے یوپی میں مسلمانوں کو نماز پڑھنے سے روکا اور پھر...' ایس پی ایم پی اقرا حسن نے کہا، "پہلے، اتر پردیش میں مسلمانوں پر نماز پڑھنے پر پابندی لگائی گئی اور پھر یہ بل تحفہ کے طور پر لایا گیا، عید کے موقع پر ایک بیوہ اپنی بیٹی کے ساتھ آئی، اس نے مجھے بتایا کہ وہ ایک وقف جائیداد میں رہتی ہے، اسے اتنی فکر تھی کہ کہیں اس غریب عورت سے اس کی یہ رہنے کے لیے جو چھت ہے وہ چھین نہ لی جائے۔ وہ ایکیلی ایسی خاتون نہیں ہیں ایسی لاکھوں خواتین ہیں جو وقف جائیداد سے اپنا کاروبار چلا رہی ہیں۔"
لاکھوں لوگ سڑکوں پر آئیں گے
ایس پی ایم پی اقرا حسن نے کہا کہ "لاکھوں لوگ ہیں جو وقف املاک سے اپنا کاروبار چلا رہے ہیں، اس پر عمل درآمد کرنے سے لاکھوں وقف املاک اپنی حیثیت کھو دیں گی اور لاکھوں لوگ سڑکوں پر آ جائیں گے۔ وقف یوزر کیا ہے؟ اس کا مطلب یہ ہے کہ اگر کوئی جائیداد خود کار طریقے سے دین اور بھلائی کے کاموں کے لیے استعمال ہو رہی ہے تو وہ بھارت کے لیے بھی قابل قبول ہو جائے گی اور عدالتوں نے بھی اس بات کو تسلیم کیا ہے"
اقرا حسن نے وضاحت کی کہ قانون کے پاس ہونے کے بعد وقف کا کیا نقصان ہوگا، ایس پی ایم پی اقرا حسن نے کہا، "وقف یوزر کے لیے ایک خاص تحفہ نہیں ہے، بلکہ دیگر مذہبی ٹرسٹوں کو بھی بغیر کسی دستاویز کے روایت اور استعمال کی بنیاد پر کسی جگہ کے مذہبی کردار کی تصدیق کرنے کا حق ہے۔ مذہبی ٹرسٹوں کو یہ سہولت جاری رہے گی یہ ہندوستانی آئین کے آرٹیکل 14 اور 15 کی براہ راست خلاف ورزی ہے۔
اے آئی ایم آئی ایم کے سربراہ اسد الدین اویسی نے کیا کہا
اسد الدین اویسی نے وقف ترمیمی بل کو 'وقف بربادی بل' کہا۔ انہوں نے الزام لگایا کہ حکومت کا واحد مقصد مسلمانوں کے خلاف نفرت پھیلانا اور ہندوتوا کا نظریہ مسلط کرنا ہے۔ اویسی نے چندرا بابو نائیڈو سے اپیل کی کہ وہ سوچ سمجھ کر فیصلہ کریں کہ وہ کیا کرنا چاہتے ہیں۔
ٹی ڈی پی نے کہا کہ
تیلگو دیشم پارٹی (ٹی ڈی پی) کے قومی ترجمان پریم کمار جین نے کہا، چندرا بابو نائیڈو پہلے ہی کہہ چکے ہیں کہ ہم مسلم کمیونٹی کے مفادات کے لیے کام کریں گے۔ بل کل پیش کیا جائے گا، اس کے بعد ہی ہم اس پر تبصرہ کریں گے۔"
جے ڈی یو نے کیا کہا؟
وقف بورڈ ترمیمی بل کے بارے میں، جے ڈی یو کے ذرائع نے کہا ہے کہ ہم نے وقف بل کے بارے میں اپنی تشویش جے پی سی میں اٹھائی تھی اور امید ہے کہ اسے شامل کیا جائے گا۔ وقف بل میں اس سے قبل بھی ترامیم ہو چکی ہیں۔ جے ڈی یو کی پالیسی یہ ہے کہ ہندوؤں اور مسلمانوں کو ایک دوسرے سے ڈرنے کی ضرورت نہیں ہے۔
کیا این ٹی اے آسانی سے بل پاس کرا لے گا ؟
عام طور پر، اگر وقف بل کو لے کر این ڈی اے پارٹیوں کے درمیان کوئی اختلاف نہیں ہے، تو حکومت کو پارلیمنٹ سے بل پاس کرانے میں کوئی پریشانی کا سامنا نہیں کرنا پڑے گا۔ لیکن چاہے وہ بی جے پی کی حلیف جے ڈی یو ہو یا ٹی ڈی پی، دونوں پارٹیوں کی مسلمانوں میں اچھا ووٹ بینک ہے۔ رمضان کی مبارکباد دیتے ہوئے، ٹی ڈی پی سربراہ چندرابابو نائیڈو نے بھی مسلم کمیونٹی کو یقین دلایا کہ ٹی ڈی پی حکومت نے ہمیشہ وقف املاک کا تحفظ کیا ہے اور آئندہ بھی کرتا رہے گا۔ مطلب صاف ہے کہ نائیڈو کے لیے وقف بل کی آنکھیں بند کر کے حمایت کرنا آسان نہیں ہے۔
لوک سبھا پارٹیوں کی نمائندگی
لوک سبھا میں 542 ممبران ہیں اور بی جے پی 240 ممبران کے ساتھ سب سے بڑی پارٹی ہے۔ این ڈی اے کی کل تعداد 293 ہے جو بل کو منظور کرنے کے لیے درکار 272 سے کہیں زیادہ ہے۔ انڈیا بلاک میں شامل تمام جماعتوں کی مشترکہ طاقت صرف 233 تک پہنچتی ہے۔ کچھ لوگ جیسے آزاد سماج پارٹی کے رکن پارلیمنٹ چندر شیکھر، شرومنی اکالی دل کی ہرسمرت کور بادل دونوں اتحاد میں شامل نہیں ہیں۔ کچھ آزاد ارکان اسمبلی ایسے بھی ہیں جو کھل کر کسی اتحاد کے ساتھ نہیں ہیں۔
راجیہ سبھا کے ممبران
راجیہ سبھا میں فی الحال 236 ممبران ہیں۔ اس میں بی جے پی کی تعداد 98 ہے۔ این ڈی اے میں ارکان کی تعداد 115 کے لگ بھگ ہے۔ اگر ہم ان چھ نامزد ارکان کو شامل کریں جو عام طور پر حکومت کے حق میں ووٹ دیتے ہیں تو این ڈی اے نمبر گیم میں 121 تک پہنچ جائے گا، جو بل کو پاس کرنے کے لیے درکار 119 سے دو زیادہ ہے۔ ظاہر ہے، حکمراں جماعت کے پاس نمبروں کا کھیل ہے لیکن این ڈی اے کے لیے یہ آسان نہیں ہے۔
وقف ترمیمی بل کے خلاف احتجاج
وقف بل کے خلاف بھارتی مسلمانوں نے متحدہ طور پر ملک بھر میں احتجاج منظم کیا۔ کرناٹک کے وزراء اور ان کے حامیوں نے مجوزہ وقف ترمیمی بل 2024 کے خلاف احتجاج کرتے ہوئے پیر کو بازوؤں پر سیاہ پٹیاں باندھ کر عیدالفطر کی نماز ادا کی۔ قبل ازیں مسلم پرسنل لا بورڈ نے ملک بھر کے مسلمانوں سے جمعۃ الوداع اور عیدالفطر کی نماز کے موقع پر بازوؤں پر سیاہ پٹی باندھ کر وقف ترمیمی بل کے خلاف خاموش احتجاج کرنے کی اپیل کی تھی۔ آل انڈیا مسلم پرسنل لا بورڈ کی جانب سے وقف ترمیمی بل کے خلاف احتجاج کیا گیا۔ بہار سے حکومت مخالف احتجاج کا آغاز کیا گیا۔ تمام سیاسی جماعتوں کو بھی حمایت کے لیے مدعو کیا گیا ہے۔ راجدھانی پٹنہ کے گردنی باغ میں بل کے خلاف رہنماؤں اور سماجی کارکن اس بل کی مخالفت میں جمع ہوئے اور وقف بل کے خلاف آواز بلند کی۔
