نئی دہلی: آل انڈیا مسلم پرسنل لا بورڈ (اے آئی ایم پی ایل بی) نے وقف (ترمیمی) بل 2024 کے خلاف دہلی کے جنتر منتر پر احتجاج کا آغاز کیا ہے۔ مظاہرے میں مسلم علماء اور نوجوانوں کی بڑی تعداد نے شرکت کی۔
#WATCH | ऑल इंडिया मुस्लिम पर्सनल लॉ बोर्ड (AIMPLB) ने दिल्ली के जंतर-मंतर पर वक्फ (संशोधन) विधेयक 2024 के खिलाफ विरोध प्रदर्शन किया। pic.twitter.com/yx31R31uiF
— ANI_HindiNews (@AHindinews) March 17, 2025
آل انڈیا مسلم پرسنل لاء بورڈ نے وقف ترمیمی بل پر سوالات اٹھائے ہیں اور اعتراضات کا اظہار کیا ہے۔ مسلم پرسنل لا بورڈ کے جنرل سکریٹری مولانا فضل الرحیم مجددی نے کہا کہ وقف ترمیمی بل املاک کو تباہ کرنے اور ہڑپنے کی سازش ہے۔ انہوں نے کہا کہ وقف ترمیمی بل کے خلاف کروڑوں مسلمانوں کی طرف سے مشترکہ پارلیمانی کمیٹی (جے پی سی) کو ای میل بھیجے گئے تھے۔
Delhi: All India Muslim Personal Law Board protests against the Waqf (Amendment) Bill, 2024 at Jantar Mantar pic.twitter.com/TSHHbFnynj
— IANS (@ians_india) March 17, 2025
وقف کا تحفظ نماز اور روزے کی طرح ضروری:
آل انڈیا مسلم پرسنل لاء بورڈ کے مطابق ہندوستانی آئین ہمارے تمام مذہبی معاملات کے تحفظ کی ذمہ داری دیتا ہے۔ جس طرح ہمارے لیے نماز اور روزہ ضروری ہے اسی طرح وقف کی حفاظت بھی ضروری ہے۔ حکومت کو وقف اراضی پر قبضہ کرنے والوں کے خلاف کارروائی کرنی چاہئے تھی لیکن حکومت نے وقف اراضی پر قبضہ کرنے کا قانون بنایا۔ ہم نے ہندوستان کو غلامی کی بنیاد پر نہیں، وفاداری کی بنیاد پر قبول کیا ہے۔ ہندوستان کسی کے باپ کی جاگیر نہیں ہے۔
مسلم پرسنل لاء بورڈ، مختلف قومی اور ریاستی سطح کی مسلم تنظیموں اور ممتاز مسلم شخصیات نے جے پی سی کے سامنے بل کے ہر نکتے پر اپنے مضبوط دلائل پیش کیے اور تحریری دستاویزات پیش کیں۔ اس کے باوجود حکومت نے اپنا موقف بدلنے کے بجائے اس بل کو مزید سخت اور متنازع بنا دیا۔
#WATCH | दिल्ली: AIMIM सांसद असदुद्दीन ओवैसी जंतर-मंतर पर वक्फ (संशोधन) विधेयक 2024 के खिलाफ ऑल इंडिया मुस्लिम पर्सनल लॉ बोर्ड (AIMPLB) के विरोध प्रदर्शन में शामिल हुए। pic.twitter.com/F4QeK19e1W
— ANI_HindiNews (@AHindinews) March 17, 2025
قبل ازیں مسلم پرسنل لا بورڈ نے اپوزیشن لیڈروں کے ساتھ ساتھ بی جے پی کی اتحادی جماعتوں کے سربراہوں سے ملاقات کی تھی اور انہیں وقف ترمیمی بل پر مسلم کمیونٹی کے موقف سے آگاہ کیا تھا۔ بورڈ کا یہ احتجاج 14 مارچ کو ہونا تھا لیکن 14 مارچ کو ہولی کے تہوار کی وجہ سے اسے 17 مارچ تک ملتوی کر دیا گیا تھا۔
اس تناظر میں بورڈ کے ایک اعلیٰ سطحی وفد نے تلگو دیشم پارٹی کے سربراہ اور آندھرا پردیش کے وزیراعلیٰ چندرا بابو نائیڈو سے وجئے واڑہ میں ملاقات کی تھی۔ اس وفد کی قیادت بورڈ کے جنرل سیکرٹری مولانا فضل الرحیم مجددی کر رہے تھے۔ انہوں نے وزیر اعلیٰ کو وقف ترمیمی بل پر مسلم کمیونٹی کے شدید اعتراضات سے آگاہ کیا۔ اس دوران ملک بھر کی مسلم تنظیموں نے اس بل کی شدید مخالفت کی۔
#WATCH | दिल्ली: कांग्रेस नेता प्रमोद तिवारी ने ऑल इंडिया मुस्लिम पर्सनल लॉ बोर्ड (AIMPLB) द्वारा वक्फ संशोधन विधेयक 2024 के खिलाफ विरोध प्रदर्शन करने पर कहा, " वक्फ को लेकर जब jpc बनी थी, हमने वहां स्थिति स्पष्ट कर दी थी। संसद में जब ये(बिल) आएगा वहां भी हम स्पष्ट कर देंगे। भाजपा… pic.twitter.com/dHsrOplcdu
— ANI_HindiNews (@AHindinews) March 17, 2025
وقف ترمیمی بل 2024 کے خلاف آل انڈیا مسلم پرسنل لا بورڈ (اے آئی ایم پی ایل بی) کے احتجاج پر کانگریس لیڈر پرمود تیواری نے کہا، جب وقف کے حوالے سے جے پی سی تشکیل دی گئی تھی، تو ہم نے وہاں کی صورتحال کو واضح کیا تھا۔ جب یہ (بل) پارلیمنٹ میں آئے گا، ہم وہاں بھی واضح کریں گے۔ بی جے پی جو چاہتی ہے ہم اس سے متفق نہیں ہیں۔
#WATCH | दिल्ली: शिवसेना(UBT) सांसद प्रियंका चतुर्वेदी ने कहा, " मेरा मानना है कि जब तक वक्फ बिल संसद में पेश नहीं हो जाता, तब तक इस पर टिप्पणी करना सही नहीं होगा। यह अभी पेश नहीं हुआ है और इस पर जिस तरह की राजनीति हो रही है, वह दुर्भाग्यपूर्ण है। हमारे अरविंद सावंत उस समिति में… pic.twitter.com/a75RP8S9m7
— ANI_HindiNews (@AHindinews) March 17, 2025
دہلی کے جنتر منتر پر وقف (ترمیمی) بل 2024 کے خلاف آل انڈیا مسلم پرسنل لا بورڈ کے احتجاج پر شیو سینا (یو بی ٹی) کی رکن پارلیمنٹ پرینکا چترویدی نے کہا کہ مجھے لگتا ہے کہ وقف بل پر تب تک تبصرہ کرنا درست نہیں ہوگا جب تک اسے پارلیمنٹ میں پیش نہیں کیا جاتا اور جس طرح کی سیاست کی جارہی ہے وہ افسوسناک ہے۔ ہماری پارٹی کی جانب سے اروند ساونت جے پی سی میں شامل تھے جہاں انھوں نے اپنے خیالات پیش کیے، شیوسینا کا نقطہ نظر پیش کیا اور شیو سینا اسی پلیٹ فارم پر اپنا نقطہ نظر پیش کرتی رہے گی۔
یہ بھی پڑھیں:
