نئی دہلی: راجیہ سبھا کے رکن کپل سبل نے نائب صدر جگدیپ دھنکھر کے اس بیان پر ردعمل ظاہر کیا، جس میں انہوں نے کہا تھا کہ سپریم کورٹ کو 'سپر پارلیمنٹ' کے طور پر کام نہیں کرنا چاہیے۔
VIDEO | On Vice President Jagdeep Dhankhar's remarks on judiciary, Rajya Sabha MP Kapil Sibal (@KapilSibal) says, " when i woke up this morning and read the vice president’s remarks, i felt deeply saddened and shocked. it’s truly concerning how some government officials respond to… pic.twitter.com/FpvhCaBCAo
— Press Trust of India (@PTI_News) April 18, 2025
کپل سبل نے کہا کہ کسی بھی گورنر کی طرف سے بل کو لٹکانا مقننہ کے اختیارات میں مداخلت کے مترادف ہے۔ انہوں نے کہا کہ اگر کوئی وزیر گورنر کے پاس جاتا ہے اور وہاں دو سال تک رہتا ہے اور وہ مسلسل عوام کے مسائل اٹھاتا رہتا ہے تو کیا گورنر اسے نظر انداز کر سکتے ہیں؟ انہوں نے کہا کہ اس لیے یہ کہنا کہ کسی کی طاقت کو کم کیا جا رہا ہے میری رائے میں درست نہیں۔
سبل نے سوال کیا کہ ’اگر پارلیمنٹ کوئی بل پاس کردے اور صدر اسے اپنے پاس رکھیں؟‘ انہوں نے کہا کہ یہ مقننہ کی بالادستی پر حملہ ہے۔ دراصل، جگدیپ دھنکھر نے جمعرات کو ایک پروگرام میں کہا تھا کہ عدالت کو سپر پارلیمنٹ کے طور پر کام نہیں کرنا چاہئے، کیونکہ قانون بنانا پارلیمنٹ کا کام ہے۔ انہوں نے سوال کیا کہ کوئی عدالت صدر کو کیسے حکم دے سکتی ہے، ہمارا ملک کس طرف جا رہا ہے، ہمیں بہت حساس ہونے کی ضرورت ہے۔
دھنکھر نے آئین کے آرٹیکل 142 کا بھی ذکر کیا۔ انہوں نے کہا تھا کہ آرٹیکل 142 جمہوری قوتوں کے خلاف ایٹمی میزائل ہے، جسے عدلیہ 24 گھنٹے استعمال کر سکتی ہے۔ آرٹیکل 142 سپریم کورٹ کو اپنے سامنے کسی بھی معاملے میں "مکمل انصاف" کو یقینی بنانے کے لیے احکامات جاری کرنے کا اختیار دیتا ہے۔
#WATCH | Delhi | Vice-President Jagdeep Dhankhar says, " ...we cannot have a situation where you direct the president of india and on what basis? the only right you have under the constitution is to interpret the constitution under article 145(3). there, it has to be five judges… pic.twitter.com/U7N9Ve3FZx
— ANI (@ANI) April 17, 2025
انہوں نے کہاکہ "صدر آئین کے تحفظ اور دفاع کا حلف لیتے ہیں، وزراء، نائب صدر، ارکان پارلیمنٹ اور ججوں کے درمیان آئین کی پاسداری کا حلف لیا جاتا ہے، ہم ایسی صورت حال پیدا نہیں کر سکتے کہ آپ بھارت کے صدر کو ہدایات دیں اور وہ بھی کس بنیاد پر؟ آئین کے تحت آپ کے پاس صرف یہ اختیار ہے کہ اس کی تشریح کریں۔
سبل نے کہا کہ یہ دونوں ایوانوں کے اسپیکر کا کام نہیں ہے کہ وہ کسی پارٹی کے ترجمان کے طور پر کام کریں۔ انہیں غیر جانبداری برقرار رکھنے کی ضرورت ہے، اس لیے ہاؤز میں ان کی نشست درمیان میں ہوتی ہے۔
یہ بھی پڑھیں: نائب صدر جگدیپ دھنکھر ایمس میں داخل، وزیراعظم مودی نے عیادت کی - VICE PRESIDENT JAGDEEP DHANKHAR
انہوں نے کہاکہ "سب جانتے ہیں کہ لوک سبھا اسپیکر کی کرسی درمیان میں ہوتی ہے، وہ ایوان کے اسپیکر ہیں، کسی ایک پارٹی کے اسپیکر نہیں ہیں۔ وہ ووٹ بھی نہیں دیتے، وہ صرف اس وقت ووٹ دیتے ہیں جب حکمراں پارٹی اور اپوزیشن کو برابر ووٹ ملتے ہیں۔ ایوان بالا کے ساتھ بھی ایسا ہی ہوتا ہے۔ آپ حکمراں پارٹی اور اپوزیشن کے درمیان برابری کا مظاہرہ کرتے ہیں۔"
