حیدرآباد: تلنگانہ کے وزیر اعلیٰ ریونت ریڈی نے کہا کہ وہ دہشت گردی کے خاتمے کے لیے مرکز کی مکمل حمایت کریں گے۔ اسی کے ساتھ انہوں نے اندرا گاندھی کی مثال دیتے ہوئے مرکز کو مشورہ دیا کہ پاکستان کو جنگ میں شکست دے کر پی او کے کو ہندوستان میں شامل کیا جائے۔
جمعرات کی شام پہلگام حملے کے خلاف احتجاج میں حیدرآباد میں پیپلز پلازہ سے اندرا گاندھی کے مجسمہ تک چیف منسٹر ریونت ریڈی کی قیادت میں کینڈل مارچ نکالا گیا۔ اس میں ایم آئی ایم سربراہ اسد الدین اویسی، کانگریس کے سینئر لیڈر سلمان خورشید، ریاستی وزراء پونم پربھاکر، سرینواس ریڈی، دامودر راج نرسمہا، ایم ایل سی وجے شانتی اور میئر گڈوالا وجے لکشمی سمیت دیگر لوگوں نے ریلی میں حصہ لیا۔
#PahalgamTerroristAttack | Hyderabad, Telangana: CM Revanth Reddy says, " ...we all will together support the country's prime minister, narendra modi. when china attacked our country in 1967, indira gandhi gave a befitting reply. after that, in 1971, pakistan attacked the country,… https://t.co/dvA6HWHVoc pic.twitter.com/11RAgvPi7U
— ANI (@ANI) April 25, 2025
اس موقعے پر سی ایم ریونت ریڈی نے کہا کہ 'ہم سب مل کر ملک کے وزیر اعظم نریندر مودی کی حمایت کریں گے۔ 1967 میں جب چین نے ہمارے ملک پر حملہ کیا تو اندرا گاندھی نے منہ توڑ جواب دیا۔ اس کے بعد 1971 میں پاکستان نے ملک پر حملہ کیا تو اندرا گاندھی نے منہ توڑ جواب دیتے ہوئے اس کو دو حصوں میں تقسیم کر دیا... آج ہمیں پاکستان کے خلاف کارروائی کرنی ہے۔ ہمیں منہ توڑ جواب دینا ہے۔ 140 کروڑ ہندوستانی آپ کے ساتھ ہیں، پاکستان کو دو حصوں میں بانٹ دو اور پی او کے کو ہندوستان میں ملا دو، ہم سب آپ کے ساتھ ہیں۔
وہیں اس ریلی میں شرکت کرنے والے مجلس اتحاد المسلمین کے صدر اسد الدین اویسی نے کہا کہ 'دہشت گردی کے خلاف ہم سب متحد ہیں۔' انہوں نے مزید کہا کہ میں نے پہلگام کے بزدلانہ حملے کے خلاف ریونت اور ہزاروں ہندوستانی شہریوں کے ساتھ کینڈل لائٹ مارچ میں حصہ لیا۔
We are all united against terrorism. Along with @revanth_anumula & thousands of Indian citizens, I participated in a candlelight march against the cowardly Pahalgam terror attack. pic.twitter.com/wC4PeJTwKB
— Asaduddin Owaisi (@asadowaisi) April 25, 2025
اس موقعے پر انڈیا سمٹ میں شرکت کے لیے آنے والے غیر ملکی مندوبین نے بھی ریلی میں حصہ لیا اور پہلگام دہشت گردانہ حملے میں ہلاک ہونے والوں کو خراج عقیدت پیش کیا۔ چیف منسٹر ریونت ریڈی نے مرکز کو مشورہ دیا کہ حکومت ہند کو اس بات کو یقینی بنانے کے لئے سخت کارروائی کرنی چاہیے کہ اس طرح کے واقعات دوبارہ نہ ہوں۔
کانگریس نے 140 کروڑ ہندوستانیوں سے پہلگام حملے کی مذمت کرنے کا مطالبہ کرتے ہوئے کہا کہ تمام ہندوستانیوں کو متحد ہو کر، سیاست اور پارٹی کے نظریات کو ایک طرف رکھ کر قوم کی حفاظت کے لیے دہشت گردی کے خلاف لڑنا ہوگا۔
#WATCH | Hyderabad, Telangana: Chief Minister Revanth Reddy, AIMIM chief Asaduddin Owaisi join candlelight march organised to protest against #PahalgamTerroristAttack pic.twitter.com/IOjDKIk8S2
— ANI (@ANI) April 25, 2025
ریونت ریڈی نے کہا کہ تلنگانہ حکومت کی جانب سے انہوں نے مرنے والوں کے اہل خانہ سے گہری تعزیت کا اظہار کیا اور اعلان کیا کہ ہم ان خاندانوں کے ساتھ کھڑے ہوں گے۔ انہوں نے کہا کہ وہ اس پلیٹ فارم پر وزیر اعظم کی حمایت کا اظہار کر رہے ہیں، سب کو چاہیے کہ وہ پارٹی کے جھنڈے چھوڑ کر دہشت گردی سے لڑنے کے لیے آگے آئیں۔ انہوں نے کہا کہ ہمیں اندرا گاندھی کو یاد رکھنا چاہیے اور ایک بار پھر پاکستان کو سخت وارننگ دینا چاہیے۔ ہم جنگ میں پاکستان کو ہرا سکتے ہیں اور پی او کے کو بھارت میں ملا سکتے ہیں۔
مزید پڑھیں: دہشت گرد حملے کے بعد بھارت پاک تعلقات میں بڑی دراڑ، جانیے دہلی اسلام آباد تعلقات کی پوری کہانی
