Local Dukan App Developer Bharat Interview : బీటెక్‌ పూర్తిచేయాలి. మంచి ప్యాకేజీతో సాఫ్ట్‌వేర్‌ కొలువు సంపాదించాలి. ఇదీ నేటి యువతరంలో చాలామంది కోరుకునేది. కానీ ఆ యువకుడు మాత్రం చదువైన వెంటనే బిజినెస్‌ చేయాలనే లక్ష్యాన్ని నిర్దేశించుకున్నాడు. తనతో పాటు సాటివారికి ఉద్యోగ అవకాశాలు కల్పించాలని అనుకున్నాడు. మొబైల్‌ యాప్‌లపై ఒక అవగాహన వచ్చాక, స్నేహితులతో కలసి ఒక విభిన్నమైన యాప్​ను రూపొందించాలి అనుకున్నాడు. దీంతో హైదరాబాద్​కు వచ్చి కొన్ని నెలలు శిక్షణ పొందాడు. కానీ అది ఫలితాన్ని ఇవ్వలేకపోవడంతో తన స్నేహితులతో కలిసి ఒక యాప్ డెవలప్​ చేశాడు. ప్రారంభదశలో ఇబ్బందులు అధైర్యపడకుండ తన తండ్రి మద్ధతుతో 'లోకల్‌ దుకాణ్‌'అనే యాప్​ను డెవలప్ చేసి దాన్ని విజయవంతంగా నడిపిస్తున్నాడు. వివిధ రకాల సేవలందించే ఆ యాప్‌ ఏంటో? సాఫ్ట్‌వేర్‌ ఉద్యోగులను మించి నెలకు రూ.3 నుంచి 4 లక్షల ఆదాయం ఎలా అందుకోగలుగుతున్నాడో, సంగారెడ్డికి చెందిన భరత్‌ మాటల్లోనే విందాం.