మున్సిపాలిటీల్లో అవిశ్వాస తీర్మానాల పరంపర - మంచిర్యాల, క్యాతనపల్లి పురపాలకల్లో అలజడి

No Confidence Motions in Mancherial District Municipalities : రాష్ట్రంలో కాంగ్రెస్​ ప్రభుత్వం ఏర్పాటుతో మున్సిపాలిటీలలో పాలకవర్గాలపై అవిశ్వాస తీర్మానాలు మొదలయ్యాయి. మంచిర్యాల పట్టణంలోని మున్సిపాలిటీ(Municipality) పాలక వర్గంపై కాంగ్రెస్​ మెజారిటీ కౌన్సిలర్లు నెగ్గే విధంగా ఉండడంతో ఛైర్మన్​ రాజయ్య, వైస్​ ఛైర్మన్​ ముఖేశ్​లు ముందుగానే రాజీనామా చేశారు. మంచిర్యాల పురపాలక కార్యాలయంలోని ఆర్డీఓ వి. రాములు ఆధ్వర్యంలో ఏర్పాటు చేసిన ప్రత్యేక సమావేశంలో బల నిరూపణ జరిగింది.

మొత్తం 36 మంది కౌన్సిలర్లు ఉండగా అందులో 27 మంది కౌన్సిలర్లు కాంగ్రెస్​(Congress) వైపు తమ బల నిరూపణ చేశారు. దీంతో మంచిర్యాల మున్సిపాలిటీ ఛైర్మన్​, వైస్​ ఛైర్మన్​ పదవులు కాంగ్రెస్​ పరం కానున్నాయి. ఛైర్మన్​గా రావుల ఉప్పలయ్య, వైస్​ ఛైర్మన్​గా మహేశ్​లను ఎన్నుకోనున్నట్లు కాంగ్రెస్​ వర్గాలు తెలిపాయి. దీనిపై ఎమ్మెల్యే ప్రేమ్​ సాగర్​ రావు తన నివాసంలో సమావేశం ఏర్పాటు చేసి మాట్లాడారు.

ఈ సమావేశంలో మంచిర్యాల నియోజకవర్గ పరిధిలోని నస్పూర్​, లక్షెట్టిపేట మున్సిపాలిటీలలో త్వరలోనే అవిశ్వాస తీర్మానాలు జరుగుతాయని తెలిపారు. కాంగ్రెస్​ ప్రభుత్వం అధికారంలోకి వచ్చి నెల రోజులు గడిచాయని, మంచిర్యాలలో ఎన్నో ఏళ్లుగా ఇబ్బందులు పడుతున్న పనులను పరిష్కారం దిశగా మొదలు పెట్టామని అన్నారు. మంచిర్యాల ఫ్లైఓవర్​పై గుంతలు గుంతలుగా ఉన్న రహదారిని పూర్తి చేశామని, దండేపల్లి మండలంలోని శ్రీ రమా సత్యనారాయణ స్వామి ఎత్తిపోతల పథకాన్ని లీకేజీలు లేకుండా పునఃప్రారంభించామని 20వేల ఎకరాలకు సాగునీరు అందుతుందని ఎమ్మెల్యే ప్రేమ్​ సాగర్​ రావు తెలిపారు.

No Confidence Motion Against Chairman Vijayalakshmi : సమావేశంలో కంటతడి పెట్టుకున్న ఛైర్మన్​

క్యాతనపల్లి పురపాలకలో అవిశ్వాస తీర్మానం : అలాగే మంచిర్యాల జిల్లా క్యాతనపల్లి పురపాలక బీఆర్​ఎస్​ పార్టీకి చెందిన ఛైర్​పర్సన్​ జంగం కళ, వైస్​ ఛైర్మన్​ సాగర్​ రెడ్డిపై అవిశ్వాసం(No Confidence Motion) ప్రవేశపెట్టాలని జిల్లా పాలనాధికారి బదావత్​ సంతోశ్​కు అదే పార్టీకి చెందిన కౌన్సిలర్లు వినతి పత్రం అందజేయడం చర్చనీయాంశమైంది. పురపాలకలో మొత్తం 22 మంది కౌన్సిలర్లు ఉండగా వారంతా బీఆర్​ఎస్​ పార్టీలో కొనసాగారు, అసెంబ్లీ ఎన్నికల ముందు ఇద్దరు కౌన్సిలర్లు కాంగ్రెస్​ పార్టీలో చేరారు. మిగిలిన వారిలో 15 మంది కౌన్సిలర్లు అవిశ్వాస తీర్మానం పెట్టాలని పాలనాధికారికి వినతి పత్రం అందజేశారు. కౌన్సిల్​ సమావేశాల్లో వారు తీసుకున్న ఏకపక్ష నిర్ణయాలతో విసుగు చెందామని వాపోయారు. అలాగే అన్ని వార్డులకు సమానంగా అభివృద్ధి పనులను కేటాయించకుండా, అభివృద్ధిని అడ్డుకుంటుండడం వల్లే అవిశ్వాసం ప్రవేశపెట్టాలని నిర్ణయం తీసుకున్నట్లు తెలిపారు.

'కాగజ్​నగర్ మున్సిపాలిటీలో ఛైర్మన్, వైస్ ఛైర్మన్​పై అవిశ్వాస తీర్మానం'

బీఆర్​ఎస్​కు కొత్త తలనొప్పి.. మున్సిపాలిటీల్లో పెరుగుతోన్న అసంతృప్త గళాలు..