భారీ వర్షాల కారణంగా మంత్రి కేటీఆర్ తన పుట్టిన రోజు వేడుకలు నిర్వహించవద్దని .. పార్టీ శ్రేణులు, అభిమానులకు విజ్ఞప్తి చేసిన విషయం తెలిసిందే. వర్షాల వల్ల ఇబ్బంది పడుతున్న ప్రజలకు సాయం చేయాలని ఆయన సూచించారు. కానీ మంచిర్యాల జిల్లా బెల్లంపల్లి మున్సిపల్ కమిషనర్ జి.గంగాధర్ మాత్రం ఇందుకు భిన్నంగా వ్యవహరించారు. ఈ నెల 24వ తేదీన బెల్లంపల్లి ప్రభుత్వాసుపత్రిలో మంత్రి కేటీఆర్ పుట్టినరోజు వేడుకలను నిర్వహించారు.
అంతకు ముందే మున్సిపల్ కమిషనర్ జి.గంగాధర్ ప్రభుత్వాసుపత్రిలో మంత్రి పుట్టినరోజు వేడకలకు హజరుకావాలని మున్సిపల్ సిబ్బందికి వాట్సాప్ గ్రూపులో సందేశం పంపించారు. ఈ కార్యక్రమంకు సీనియర్ అసిస్టెంట్ టి.రాజేశ్వరి, జూనియర్ అసిస్టెంట్ పున్నంచందర్, మోహన్, బిల్ కలెక్టర్ శ్రవణ్లు గైర్హాజరయ్యారు. దీంతో నలుగురు సిబ్బందికి కమిషనర్ మెమో జారీ చేశారు. 24 గంటల్లోగా వివరణ ఇవ్వాలని వారిని ఆదేశించడం జిల్లాలో చర్చనీయాంశంగా మారింది. ఈ వ్యవహారంపై ప్రతిపక్షాల నాయకులు కమిషనర్కి కేటీఆర్ అంటే ఇంత అభిమానమా అంటూ సామాజిక మాధ్యమాల్లో పోస్ట్ చేశారు.
ఈ విషయం తెలుసుకున్న మంత్రి కేటీఆర్.. మున్సిపల్ కమిషనర్ అత్యుత్సాహంపై తీవ్రంగా మండిపడ్డారు. ఈ రోజు ఆ అధికారిని సస్పెండ్ చేయాలని ట్విటర్ వేదకగా ఆదేశాలు జారీ చేశారు. కమిషనర్ ఆయన తప్పు దిద్దుకోవడానికి మరో ప్రకటన విడుదల చేసినప్పటికీ.. మంత్రి ఆగ్రహానికి గురికాక తప్పలేదు. ఈ మెమోల జారీ విషయంలో సదరు అధికారిని కొంతమంది ప్రజాప్రతినిధులు తప్పుదోవ పట్టించినట్లు తెలుస్తోంది. మెమోలు జారీ చేస్తే ఏమికాదనే భరోసాను వారు ఇవ్వడంతో కమిషనర్ జారీకి సమ్మతించినట్లు సమాచారం. మంత్రి కేటీఆరే స్వయంగా కమిషనర్ను సస్పెండ్ చేయాలని పురపాలక శాఖ డైరెక్టర్‌ సత్యనారాయణకు ఆదేశాలు జారీ చేయడంతో స్థానిక ప్రజాప్రతినిధులు నోరు మెదపడం లేదు.
-
I am the last person to encourage sycophancy in politics or administration
— KTR (@KTRTRS) July 29, 2022 " class="align-text-top noRightClick twitterSection" data="
Read about an over enthusiastic Municipal commissioner issuing a memo to subordinates for not attending my birthday celebrations!🤦♂️
Have asked @cdmatelangana to suspend the MC for his absurd behaviour
">I am the last person to encourage sycophancy in politics or administration
— KTR (@KTRTRS) July 29, 2022
Read about an over enthusiastic Municipal commissioner issuing a memo to subordinates for not attending my birthday celebrations!🤦♂️
Have asked @cdmatelangana to suspend the MC for his absurd behaviourI am the last person to encourage sycophancy in politics or administration
— KTR (@KTRTRS) July 29, 2022
Read about an over enthusiastic Municipal commissioner issuing a memo to subordinates for not attending my birthday celebrations!🤦♂️
Have asked @cdmatelangana to suspend the MC for his absurd behaviour
ఇవీ చదవండి: కట్నం కోసం భార్యపై గ్యాంగ్ రేప్.. లిఫ్ట్లో ఉండగానే ముమ్మారు తలాక్!'
