కామారెడ్డి జిల్లా ఎల్లారెడ్డి నియోజకవర్గంలో భాజపా రాష్ట్ర అధ్యక్షుడు, ఎంపీ బండి సంజయ్ పాదయాత్ర కొనసాగుతోంది. జిల్లాలో రెండో రోజు పాదయాత్రలో భాగంగా నాగిరెడ్డిపేట్ మండలం బంజారా నుంచి ఎల్లారెడ్డి వరకు సంజయ్ పాదయాత్ర చేశారు. పూలమాలలు, హారతులతో కార్యకర్తలు స్వాగతం పలికారు. ఇవాళ్టి పాదయాత్రలో మధ్యప్రదేశ్ భాజపా ఇంఛార్జ్ మురళీధర్రావు పాల్గొన్నారు.
తెలంగాణ విమోచన దినోత్సవం సందర్భంగా.. నిర్మల్లో జరిగే బహిరంగ సభ నిర్వహిస్తోంది. ఈ సభకు కేంద్రహోంశాఖ మంత్రి అమిత్షా హాజరుకానున్నారు. దీంతో రేపటి పాదయాత్రకు సంజయ్ విరామం ఇచ్చారు. ఎల్లుండి.. ఎల్లారెడ్డి నుంచి పాదయాత్ర తిరిగి సాగనుంది.
ఆగస్టు 28న చార్మినార్‌(charminar) భాగ్యలక్ష్మి అమ్మవారి ఆలయంలో ప్రత్యేక పూజలు చేసి ప్రజాసంగ్రామ యాత్రకు బండి సంజయ్ సమరశంఖం పూరించారు. రాష్ట్ర ప్రజల్లో విశ్వాసం, ఆత్మస్థైర్యం కల్పించేందుకే ఈ యాత్ర చేపట్టినట్టు ఆయన చెప్పారు. ఈ కార్యక్రమం రాజకీయ మార్పునకు వేదిక కానుందన్నారు. అక్టోబర్ 2న.... హుజూరాబాద్ సభతో తొలివిడత ప్రజా సంగ్రామ యాత్ర ముగుస్తుందని ఆ పార్టీ వర్గాలు తెలిపాయి. 2023 ఎన్నికల వరకు విడతల వారీగా ప్రజాసంగ్రామ యాత్రను చేపట్టనున్నట్లు భాజపా నేతలు వెల్లడించారు.
ఇదీచూడండి: Nirmal AMITH SHAH Sabha: లక్ష మందితో రేపు నిర్మల్లో అమిత్ షా బహిరంగ సభ
