Jogulamba temple: జోగులాంబలో శరన్నవరాత్రి ఉత్సవాలు ఎప్పుడైనా చూశారా?

author img

By

Published : Oct 6, 2021, 3:44 PM IST

Jogulamba temple ready to Vijayadashami celebrations

రాష్ట్రంలో దసరా సంబురాలు(Vijayadashami celebrations) ప్రారంభమవుతున్నాయి. వీధుల్లో దుర్గామాతలు కొలువుదీరేందుకు తాత్కాలిక కోవెలలు సిద్ధమవుతున్నాయి. మరోవైపు.. అమ్మావారి ఆలయాలు శరన్నవరాత్రుల(Vijayadashami festival 2021)కు ముస్తాబవుతున్నాయి. శక్తిపీఠాల్లో ఒకటైన జోగులాంబ అమ్మావారి ఆలయం(jogulamba temple) నవరాత్రుల కోసం సర్వం సిద్ధమవుతోంది.

రాష్ట్రంలో బతుకమ్మ సంబురాలు ఈరోజు నుంచి ప్రారంభమయ్యాయి. పెత్తర అమవాస్యను పురస్కరించుకుని ఎంగిలిపూల బతుకమ్మను నేడు జరుపుకుంటారు. ఇదే క్రమంలో విజయదశమి వేడుకల(Vijayadashami festival 2021)కు కూడా అమ్మవార్ల ఆలయాలన్ని సిద్ధమవుతున్నాయి. నవరాత్రుల కోసం ముస్తాబవుతున్నారు. రేపటి నుంచి నవరాత్రి వేడుకలు(Vijayadashami celebrations) ప్రారంభం కానున్నాయి. గ్రామాల్లో, పట్టణాల్లో దుర్గామాత విగ్రహాలను నిలిపేందుకు భక్తులు మండపాలు సిద్ధం చేసే పనిలో నిమగ్నమయ్యారు.

ఇక పద్దెనిమిది శక్తిపీఠాల్లో ఒకటైన జోగులాంబ ఆలయం(jogulamba temple)లోనూ దేవి శరన్నవరాత్రి ఉత్సవాలు రేపటి నుంచి ప్రారంభం కానున్నాయి. దేవి నవరాత్రి ఉత్సవాలకు ఆలయ అధికారులు ఇప్పటికే అన్ని ఏర్పాట్లు చేశారు. దర్శనాలకు వచ్చే భక్తులకు ఎటువంటి ఇబ్బంది కలగకుండా జాగ్రత్తలు తీసుకున్నారు. ఆలయ ఆవరణలో చలువ పందిళ్లు, క్యూలైన్లు, త్రాగునీటి వసతులు ఏర్పాటు చేశారు. జోగులాంబ అమ్మవారి ఆలయం, స్వామివారి ఆలయంతో పాటు నవబ్రహ్మ ఆలయాలను విద్యుత్ దీపాలతో సుందరంగా అలంకరించారు.

Jogulamba temple ready to Vijayadashami celebrations
దేదీప్యమానం వెలిగిపోతోన్న ఆలయం

జోగలాంబ అమ్మవారి ఆలయంలో తొమ్మిది రోజులపాటు నవరాత్రి ఉత్సవాలు ఎంతో వైభవంగా జరగనున్నాయి. అమ్మవారు తొమ్మిది రోజుల పాటు వివిధ రూపాలలో భక్తులకు దర్శనం ఇస్తారు. ప్రతి రోజు విశేష పూజలు, చండీ హోమం నిర్వహిస్తారు. అమ్మవారికి ప్రీతిపాత్రమైన దర్బార్ కొలువు సేవలో కుమారి సుహాసిని పూజలు జరుగుతాయి. దసరా పండుగ రోజు స్వామి అమ్మవారి తెప్పోత్సవం నిర్వహిస్తారు.

Jogulamba temple ready to Vijayadashami celebrations
మిరుమిట్లు గొలుపుతున్న గోపురం

దేవి శరన్నవరాత్రి ఉత్సవాలను పురస్కరించుకుని.. భక్తులు అధిక సంఖ్యలో స్వామి, అమ్మవార్లను దర్శించుకుంటారు. రేపు ఉదయం గణపతి పూజతో దేవి శరన్నవరాత్రుల ఉత్సవాలకు అంకురార్పణ జరుగుతుంది.

Jogulamba temple ready to Vijayadashami celebrations
విద్యుద్ధీపాలంకరణతో స్వాగత తోరణం

ఇదీ చూడండి:

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.