హరితహారం చెట్లను నరికిన ఆసుపత్రి యాజమాన్యానికి యాభై వేల రూపాయలు జరిమానా వేసిన సంఘటన జోగులాంబ గద్వాల జిల్లా అయిజ మున్సిపాలిటీ పరిధిలో జరిగింది. అయిజ మున్సిపాలిటీలోని ఆర్ అండ్ బీ గెస్ట్ హౌస్ సమీపంలో కర్నూల్కు చెందిన అమీలియో ఆసుపత్రి ఫ్లెక్సీ హోర్డింగ్ ఏర్పాటు చేశారు. ఎలాంటి అనుమతులు లేకుండా ఏర్పాటు చేసిన హోర్డింగ్ ప్రజలకు కనబడడం లేదని రోడ్డు వెంబడి ఉన్న హరితహారం చెట్లను నరికి వేశారు. ఇది గమనించిన అయిజ మున్సిపల్ కమిషనర్ ఆసుపత్రి యాజమాన్యానికి రూ.50వేలు జరిమానా వేశారు.
అలాగే నరికిన చెట్ల స్థానంలో మళ్లీ మొక్కలు నాటాలని ఆదేశాలు ఇచ్చారు. ఎలాంటి అనుమతులు లేకుండా ఫ్లెక్సీలను ఏర్పాటు చేయకూడదని కమిషనర్ నరసయ్య తెలిపారు. అనుమతి లేకుండా ఫ్లెక్సీలు ఏర్పాటు చేస్తే వాటిని వెంటనే తొలగించడం జరుగుతుందన్నారు.
ఇదీ చదవండి: Crocodile in moosi river: వరదలో కొట్టుకొచ్చిన మొసలి.. తస్మాత్ జాగ్రత్త!
