NSUI Activists Protest against Sunburn Event: శంషాబాద్‌లో సన్బర్న్ ఈవెంట్‌ నిర్వహణను అడ్డుకునేందుకు ఎన్ఎస్యూఐ కార్యకర్తలు యత్నించారు. దీంతో పోలీసులు ఎన్ఎస్యూఐ కార్యకర్తలను అదుపులోకి తీసుకొని స్టేషన్కు తరలించారు. శంషాబాద్ ఎయిర్‌పోర్టు సమీపంలో ఉన్న ప్రదేశంలో జరిగిన సన్బర్న్ షోకు పోలీసులు అనుమతినివ్వడంపై ఎన్ఎస్యూఐ అభ్యంతరం వ్యక్తం చేసింది. రాష్ట్ర అధ్యక్షుడు బల్మూరి వెంకట్ గురువారం కార్యకర్తలతో డీసీపీ ఆఫీస్ ముందు ధర్నా చేపట్టారు.
దీంతో షో వద్ద గందరగోళం నెలకొంటుందని శుక్రవారం శంషాబాద్ విమానాశ్రయం ఎరినా ప్రాంగణంలో పోలీసులు భారీ బందోబస్తు ఏర్పాటు చేశారు. కానీ అక్కడికి చేరుకున్న ఎన్ఎస్యూఐ కార్యకర్తలు ఆందోళన చేపట్టారు. సన్బర్న్ కార్యక్రమంలోకి దూసుకెళ్లేందుకు ప్రయత్నం చేశారు. అప్రమత్తమైన పోలీసులు.. ఆందోళనకారులను అడ్డుకుని పోలీస్స్టేషన్కు తరలించారు. ఇలాంటి పాశ్చాత్య సంస్కృతితో తెలంగాణ నాశనం అవుతోందన్న ఎన్ఎస్యూఐ కార్యకర్తలు.. సేవ్ తెలంగాణ అంటూ నినాదాలు చేశారు.
ఇవీ చదవండి: దమ్ముంటే రండి చూసుకుందాం.. భాజపా నేతలకు జగదీశ్ రెడ్డి వార్నింగ్..
'రూ.25 కోట్లు గెలిచాక మనశ్శాంతి లేదు.. అందరు అప్పులు అడుగుతున్నారు'
