ప్రపంచ బాక్సింగ్ ఛాంపియన్షిప్ ప్రీక్వార్టర్స్కు నిఖత్ జరీన్
Published: Mar 19, 2023, 6:03 PM
ప్రపంచ బాక్సింగ్ ఛాంపియన్షిప్ ప్రీక్వార్టర్స్కు నిఖత్ జరీన్
Published: Mar 19, 2023, 6:03 PM
భారత స్టార్ బాక్సర్ నిఖత్ జరీన్ ప్రపంచ మహిళల బాక్సింగ్ ఛాంపియన్షిప్ ప్రీ-క్వార్టర్స్కు చేరుకుంది. ఆఫ్రికన్ ఛాంపియన్ అల్జీరియాకు చెందిన బౌలమ్ రౌమైసాను ఓడించి తదుపరి మ్యాచ్లు ఆడేందుకు అర్హత సాధించింది.
తెలంగాణ యువ బాక్సర్ నిఖత్ జరీన్ ప్రపంచ మహిళల బాక్సింగ్ ఛాంపియన్షిప్లో ప్రీ-క్వార్టర్స్ మ్యాచ్లు ఆడేందుకు అర్హత సాధించింది. ఆదివారం దిల్లీలోని కేడీ జాదవ్ ఇండోర్ స్టేడియంలో జరిగిన ఈ మ్యాచ్లో ఆఫ్రికన్ ఛాంపియన్ అల్జీరియాకు చెందిన బౌలమ్ రౌమైసాతో తలపడింది నిఖత్. 5-0 ఏకపక్ష స్కోర్తో ప్రత్యర్థిని ఓడించి ప్రీ-క్వార్టర్స్ ఫైనల్ బెర్త్ను ఖాయం చేసుకుంది.
50 కేజీల ఈవెంట్లో పోటీపడిన నిఖత్ ప్రస్తుత ఆఫ్రికన్ ఛాంపియన్ రౌమైసాను ఓడించడం ద్వారా ఈ టోర్నమెంట్లో తన రెండవ విజయాన్ని నమోదు చేసుకుంది. మ్యాచ్ ఆరంభంలో బాక్సర్లు ఇద్దరూ ఎంతో ఆచితూచి జాగ్రత్తగా ఆడారు. అయితే ఆట మొదటి రౌండ్లో నిఖత్కు తన ఆటతీరుతో విజృంభించింది. దీంతో ఆ రౌండ్ ఆమెకు అనుకూలంగా మారినట్లయింది.
ఈ క్రమంలో ప్రత్యర్థి రౌమైసా కూడా ముందుకు వచ్చి దాడి చేయడానికి ప్రయత్నించగా నిఖత్ పంచ్లతో ఆమెను ఆలౌట్ చేసింది. అనంతరం తదుపరి రౌండ్ను ప్రారంభించారు అంపైర్లు. కాగా, ఈ ఆటలో ఇద్దరు బాక్సర్లు ఎంతో దూకుడుగా ఆడారు. ఎన్నో బాడీ షాట్ల వ్యూహాలను ఒకరిపై ఒకరు ప్రయెగించకున్నారు. కానీ, చివరకు 5-0తో వార్ వన్ సైడ్ చేసి విజేతగా నిలిచింది నిఖత్ జరీన్. గతేడాది జరిగిన కామన్వెల్త్ గేమ్స్-2022లో స్వర్ణం సాధించిన నిఖత్ జరీన్ వరల్డ్ బాక్సింగ్ ఛాంపియన్లలో ఒకరుగా ఉన్నారు.
"రౌమైసా టాప్ సీడ్ కావడం వల్ల రౌండ్లో ఆమెకు దీటుగా ఆడడం చాలా ముఖ్యం. నేను టాప్ సీడ్‌లుగా ఉన్న ఛాంపియన్లను ఓడిస్తే నాపై న్యాయనిర్ణేతలకు ఒక అభిప్రాయం ఏర్పడుతుంది. ఇంతకుముందు నేను బౌలమ్ రౌమైసా బౌట్లను చూశాను. బాక్సింగ్ చేసేటప్పుడు మనం ఆమెకు అత్యంత దగ్గరగా వెళ్తే తాను చాలా దూకుడుగా ఆడుతుంది. కాబట్టి ఆ అవకాశం ఆమెకు ఇవ్వకుండా చాలా దూరం నుంచి ఆడాలని లక్ష్యంగా పెట్టుకొని బరిలోకి దిగాను. కానీ, తన వ్యూహాత్మకమైన షాట్తో నేను ఆమె నుంచి గట్టి పోటీని ఎదుర్కొన్నాను."
-వరల్డ్ ఛాంపియన్ బాక్సర్ నిఖత్ జరీన్
గతేడాది వరల్డ్ బాక్సింగ్ ఛాంపియన్‌షిప్‌తో పాటు కామన్వెల్త్ క్రీడల్లో స్వర్ణం గెలిచిన తెలంగాణ యువతి నిఖత్ దిల్లీలో జరిగిన ప్రపంచ మహిళల బాక్సింగ్ ఛాంపియన్షిప్స్లో ఫేవరెట్‌గా నిలిచి ప్రీ-క్వార్టర్స్లో ఆడేందుకు అర్హత పొందింది. అయితే ఒలింపిక్స్‌ ఆటలో గోల్డ్ మెడల్ సాధించే వరకు తాను విశ్రమించేది లేదని భారత స్టార్ బాక్సర్ నిఖత్ జరీన్ తాజాగా పునరుద్ఘాటించింది. ఇకపోతే తదుపరి 32వ మ్యాచ్ ప్రపంచ మహిళల బాక్సింగ్ ఛాంపియన్షిప్-2022 కాంస్య పతక విజేత హరియాణా బాక్సర్ మనీషా మౌన్ ఆస్ట్రేలియాకు చెందిన రహీమి టీనా మధ్య జరగనుంది. అయితే వీరిద్దరూ 57 కేజీల విభాగంలో తలపడనున్నారు.
