Washington Sundar Replacement: కొవిడ్ కారణంగా దక్షిణాఫ్రికాతో జరగబోయే వన్డే సిరీస్కు దూరమయ్యాడు టీమ్ఇండియా ఆల్రౌండర్ వాషింగ్టన్ సుందర్. బెంగళూరులోని నేషనల్ క్రికెట్ అకాడమీలో ఉండగా అతడికి కొవిడ్ సోకినట్లు నిర్ధరణ అయింది. ఈ నేపథ్యంలో జట్టుకు దూరమైన వాషింగ్టన్ స్థానంలో జయంత్ యాదవ్ను ఎంపిక చేసింది సీనియర్ సెలక్షన్ కమిటీ.
మరోవైపు దక్షిణాఫ్రికాతో జరుగుతున్న టెస్టు సిరీస్లో భాగంగా రెండో మ్యాచ్లో భారత పేసర్ మహ్మద్ సిరాజ్ గాయపడ్డాడు. దీంతో వన్డే సిరీస్లో అతడికి బ్యాకప్గా యువ ఆటగాడు నవదీప్ సైనీని ఎంపిక చేసింది సెలక్షన్ ప్యానెల్.
జనవరి 19 నుంచి టీమ్ఇండియా, దక్షిణాఫ్రికా మధ్య మూడు మ్యాచ్ల వన్డే సిరీస్ ప్రారంభంకానుంది.
టీమ్ఇండియా వన్డే జట్టు..
కేఎల్ రాహుల్(కెప్టెన్), జస్ప్రీత్ బుమ్రా(వైస్ కెప్టెన్), శిఖర్ ధావన్, రుతురాజ్ గైక్వాడ్, విరాట్ కోహ్లీ, సూర్యకుమార్ యాదవ్, శ్రేయస్ అయ్యర్, వెంకటేష్ అయ్యర్, రిషభ్ పంత్, ఇషాన్ కిషన్, యుజ్వేంద్ర చాహల్, రవిచంద్రన్ అశ్విన్, దీపక్ చాహర్, భువనేశ్వర్ కుమార్, ప్రసిద్ధ్ కృష్ణ, శార్దూల్ ఠాకూర్, మహ్మద్ సిరాజ్, జయంత్ యాదవ్, నవదీప్ సైని.
ఇదీ చదవండి:
