మరోసారి ఆస్ట్రేలియా టెస్టు కెప్టెన్​గా స్మిత్!

author img

By

Published : Nov 20, 2021, 8:01 PM IST

Smith

ఆస్ట్రేలియా టెస్టు కెప్టెన్సీ బాధ్యతల నుంచి తప్పుకొంటున్నట్లు ఇటీవల ప్రకటించాడు టిమ్ పైన్. దీంతో కొత్త కెప్టెన్​ను ఎంపిక చేసే పనిలో పడింది ఆ దేశ క్రికెట్ బోర్డు. ఈ సుదీర్ఘ ఫార్మాట్ కెప్టెన్సీ రేసులో సీనియర్ క్రికెటర్ స్టీవ్ స్మిత్(steve smith captain again) పేరు కూడా ఎక్కువగా వినబడుతోంది.

ఆస్ట్రేలియా టెస్టు కెప్టెన్​గా స్టీవ్ స్మిత్(steve smith captain again) మరోసారి ఎంపికయ్యే అవకాశాలు ఎక్కువగా కనిపిస్తున్నాయి. ఇటీవల టిమ్ పైన్.. సుదీర్ఘ ఫార్మాట్ సారథ్య బాధ్యతల నుంచి తప్పుకోగా.. కొత్త కెప్టెన్​ను ఎంపిక చేసేందుకు ఓ రిపోర్టును సిద్ధం చేసింది ఆసీస్ క్రికెట్ బోర్డు. ఈ బాధ్యతలు స్వీకరించేందుకు స్మిత్ కూడా రేసులో ఉన్నట్లు ఓ అధికారి తెలిపారు.

"ఆసీస్ టెస్టు కెప్టెన్సీ రేసులో చాలామంది ఉన్నారు. అందులో స్మిత్(steve smith captain again) కూడా ఒకరు. సెలెక్టర్లు కూడా స్మిత్​కు కెప్టెన్సీ అప్పగించేందుకు ఆసక్తి కనబరుస్తున్నారు."

-ఆసీస్ క్రికెట్ బోర్డు అధికారి

ప్రస్తుతం ఆస్ట్రేలియా టెస్టు జట్టుకు వైస్ కెప్టెన్​గా ఉన్నాడు పేసర్ ప్యాట్ కమిన్స్. దీంతో ఇతడికే సారథ్య బాధ్యతలు అప్పగించే అవకాశం ఉందని మరికొందరు అభిప్రాయపడుతున్నారు. అలాగే ఇతడికి సహకరించేందుకు స్మిత్​(steve smith captain again)ను వైస్ కెప్టెన్​గా ఎంపిక చేస్తారని వార్తలు వస్తున్నాయి.

పైన్​ రాజీనామా

ఓ మహిళతో అసభ్యకర చాటింగ్ చేశాడంటూ ఇటీవల టిమ్ పైన్(tim paine chat)​పై ఆరోపణలు వచ్చాయి. అవి నిజమేనంటూ ఒప్పుకొంటూ తన టెస్టు కెప్టెన్సీకి రాజీనామా ప్రకటించాడు పైన్. త్వరలో ఇంగ్లాండ్​తో యాషెస్ సిరీస్​ ఉన్న నేపథ్యంలో ఇతడు ఈ నిర్ణయం తీసుకోవడం చర్చనీయాంశంగా మారింది.

ఇవీ చూడండి: 'బుమ్రా, హర్షల్ కాంబో.. డెత్ ఓవర్లలో ప్రత్యర్థికి చుక్కలే'

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.