IND vs PAK T20 viewership: భారత్- పాకిస్థాన్ మ్యాచ్(IND vs PAK T20) అంటే క్రికెట్ అభిమానులకు పండగే. ఈ జట్ల మ్యాచ్ జరిగితే అభిమానులు టీవీలకే అతుక్కుపోతారు. 2021 టీ20 ప్రపంచకప్లోనూ ఇదే జరిగింది. లీగ్ దశలో జరిగిన భారత్-పాక్ మ్యాచ్కు(IND vs PAK T20 viewers) విశేష ఆదరణ లభించింది. ఏకంగా 167 మిలియన్ల (16.7 కోట్లు) మంది ఈ మ్యాచ్ వీక్షించినట్లు ఐసీసీ తెలిపింది. టీ20 చరిత్రలో ఓ మ్యాచ్ను ఇంతమంది వీక్షించడం ఇదే తొలిసారి అని పేర్కొంది.
ఇండియాలో ఈ మ్యాచ్ను 15.9 బిలియన్ నిమిషాల పాటు చూసినట్లు చెప్పిన ఐసీసీ.. మొత్తం టోర్నీని 112 బిలియన్ నిమిషాలు వీక్షించినట్లు వెల్లడించింది(team india pakistan cricket match). గతంలో 2016 టీ20 ప్రపంచకప్ సెమీఫైనల్స్ మ్యాచ్కు (టీమ్ఇండియా-వెస్టిండీస్) 136 మిలియన్ వ్యూస్ వచ్చాయి. యుకేలో మిగతా మ్యాచ్లకు వచ్చిన వ్యూయర్షిప్ కన్నా భారత్-పాక్ మ్యాచ్కు 60శాతం, ఈ టోర్నీకి ఏడు శాతం పెరిగినట్లు తెలిపింది.
ఈ మెగాటోర్నీకి వ్యూస్ పెరగడంలో ఫేస్బుక్ ముఖ్య పాత్ర పోషించిందని చెప్పింది ఐసీసీ. ఈ సామాజిక మాధ్యమం ద్వారా 4.3 బిలియన్ వ్యూస్ వచ్చినట్లు పేర్కొంది.
ఇదీ చూడండి: IND Vs NZ: శ్రేయస్ ధనాధన్ ఇన్నింగ్స్.. టీమ్ఇండియా 258/4
