Hardik Pandya Fitness: కొన్ని నెలలుగా వెన్నునొప్పితో బాధపడుతున్న టీమ్ఇండియా ఆల్రౌండర్ హార్దిక్ పాండ్యా.. ఫిట్నెస్ నిరూపించుకుంటేనే దక్షిణాఫ్రికా పర్యటనలో అతడికి చోటు కల్పించనున్నట్లు బీసీసీఐ వర్గాలు తెలిపాయి. ఈ నేపథ్యంలో ఎన్సీఏలో (National Cricket Academy)లో ఫిట్నెస్ నిరూపించుకునే దానిపైనే హార్దిక్ ఎంపిక ఆధారపడి ఉందని బీసీసీఐ అధికారులు పేర్కొన్నారు. ఇటీవల ముగిసిన టీ20 ప్రపంచకప్లో హార్దిక్‌కు చోటు దక్కినా.. ప్రభావం చూపలేకపోయాడు. దీంతో న్యూజిలాండ్తో జరిగిన టీ20 సిరీస్‌కి హర్దిక్‌ను ఎంపిక చేయలేదు.
"హార్దిక్ కోలుకునేందుకు తగినంత విశ్రాంతి అవసరం. దక్షిణాఫ్రికా సిరీస్కు ఇంకా చాలా సమయం ఉంది. ఆలోపు అతడు కోలుకుని.. ఫిట్నెస్ నిరూపించుకుంటే దక్షిణాఫ్రికా పర్యటనకు ఎంపిక చేస్తాం. అతడు త్వరలో ప్రారంభం కానున్న విజయ్‌ హజారే ట్రోఫీలో ఆడనున్నాడు. ఆ ట్రోఫీలో ఆడటం కన్నా.. అతడు ఫిట్‌గా ఉండటం మాకు చాలా ముఖ్యం. అయినా ఆడాలనుకుంటే అది అతడిష్టం" అని బీసీసీఐ వర్గాలు తెలిపాయి.
Team India South Africa Tour: 3 టెస్టులు, 3 వన్డేలు, నాలుగు టీ20 మ్యాచుల నిమిత్తం.. టీమ్ఇండియా డిసెంబర్‌ 17 నుంచి దక్షిణాఫ్రికాలో పర్యటించనుంది.
టీమ్ఇండియా కొద్ది రోజులుగా ఫాస్ట్‌ బౌలింగ్‌ చేయగలిగే నాణ్యమైన ఆల్ రౌండర్ కోసం వెతుకుతోంది. జట్టులో మెరుగైన ఆల్రౌండర్ లేకపోవడం పలుమార్లు జట్టు ప్రదర్శనపై ప్రభావం చూపుతోంది. ఈ నేపథ్యంలో టీమ్ఇండియా భవిష్యత్తు అవసరాల దృష్ట్యా యువ ఆల్ రౌండర్ వెంకటేశ్ అయ్యర్‌ను జట్టు యాజమాన్యం ప్రొత్సహిస్తోంది. ఇటీవల న్యూజిలాండ్తో జరిగిన టీ20 సిరీస్‌లో అయ్యర్‌కు అవకాశం ఇవ్వగా.. అతడు ఆకట్టుకునే ప్రదర్శన చేశాడు.
