ఆస్ట్రేలియా.. ఈ పేరు చెప్పగానే క్రికెట్ అభిమానులకు టక్కున గుర్తుకు వచ్చే పేరు స్లెడ్జింగ్. కానీ గత కొంత కాలంగా ఆ జట్టు తీరులో మార్పు వస్తోంది. ముఖ్యంగా ఎంతో దూకుడుగా ఉండే ఆ జట్టు స్టార్ ఓపెనర్ డేవిడ్ వార్నర్ చాలా పరిణతి చెందాడు. సోషల్మీడియాలోనూ రీల్స్ చేస్తూ అభిమానులకు మరింత చేరువయ్యాడు. అయితే ఇతడు తాజాగా తన మంచి మనసును చాటుకున్నాడు. ప్రస్తుతం ఇంగ్లాండ్తో జరిగిన మూడో వన్డేలో సెంచరీతో ఆకట్టుకున్న వార్నర్.. ఔట్ అయ్యాక వెళ్తూ వెళ్తూ ఓ బుడతడికి గిఫ్ట్ ఇచ్చి సర్ప్రైజ్ చేశాడు. ప్రస్తుతం ఈ వీడియో వైరల్ అవుతోంది.
కాగా, సొంత గడ్డపై జరిగిన టీ20 ప్రపంచ కప్లో దారుణంగా విఫలమైన వార్నర్.. ఎన్నో విమర్శలు ఎదుర్కొన్నాడు. అయితే తాజాగా ఇంగ్లాండ్తో జరుగుతున్న సిరీస్తో ఆ విమర్శలకు తన బ్యాట్తో సమాధానమిస్తున్నాడు. తొలి వన్డేలో 86 పరుగులతో విజయంలో కీలక పాత్ర పోషించిన డేవిడ్ భాయ్.. రెండో వన్డేలో మళ్లీ డౌన్ అయ్యాడు. కానీ మూడో మ్యాచ్లో మాత్రం సెంచరీ చేసి జట్టుకు భారీ స్కోరును అందించాడు. అయితే ఈ మ్యాచ్లోనే ఓ ఆసక్తికర సన్నివేశం చోటు చేసుకుంది. వార్నర్ ఔట్ అయ్యాక డ్రెస్సింగ్ రూమ్కు వెళ్తున్న క్రమంలో.. పెవిలియన్ దగ్గర కొందరు చిన్నారులు వార్నర్కు చేతులు అందించడానికి చేతులు చాచారు.
ఈ క్రమంలోనే వారి దగ్గరగా వచ్చిన వార్నర్ ఓ బుడతడికి తన చేతి గ్లౌజ్లను గిఫ్ట్గా ఇచ్చాడు. ఇక ఆ గ్లౌజ్లను అందుకున్న ఆ బుడతడు స్పీడ్గా వాళ్ల అమ్మ దగ్గరకు పరిగెత్తుకెళ్లాడు. వాటిని వాళ్ళ అమ్మకు అందించి తెగ సంబరపడిపోయాడు. ఆ పిల్లాడి ఆనందానికి అవధులు లేకుండా పోయాయి. ఆ బుడ్డోడి అమ్మ, సొదరుడు సైతం గ్లౌజ్లను పట్టుకుని తెగ మురిసిపోయారు. ప్రస్తుతం ఈ వీడియో నెట్టింట వైరల్గా మారింది. కాగా, ఈ మ్యాచ్ వర్షం కారణంగా ఆగిపోయింది. డీఎల్ఎస్ విధానం ప్రకారం ఫలితాన్ని ప్రకటించగా.. ఆసీస్ 221 పరుగుల తేడాతో గెలిచింది.
- " class="align-text-top noRightClick twitterSection" data="
">
ఇదీ చూడండి: మూడో టీ20 మ్యాచ్ టై.. భారత్‌దే సిరీస్
